«Շվեդիայի դեսպանը նշել է, որ քիմիական զենքի կիրառումը հանցագործություն է, այո, դա իսկապես այդպես է: Ես համաձայն եմ նրա հետ: Սակայն, հարգելի գործընկեր, դուք չեք կարծում, որ պատերազմն ինքնին հանցագործություն է եւ դրան պետք է վերջ դնել եւ կանխել այն: Միգուցե սա շատ լավ վերնագիր կլիներ Ստոկհոլմի միջազգային խաղաղության ինստիտուտի (SILPM) գրքի համար, գուցե դա բացատրեր պետություններին, որ պատերազմն ինքնին հանցագործություն է», - հայտարարել է ՄԱԿ-ում Սիրիայի մշտական ներկայացուցիչը:
Խոսելով ՄԱԿ-ում ԱՄՆ մշտական ներկայացուցիչ Նիկի Հեյլիի հայտարարության մասին, որը նշել էր, որ Ասադը սիրական պատերազմի ժամանակ առնվազն 50 անգամ քիմիական զենք է օգտագործել, նա ասել է.
«Իմ գործընկերը՝ Միավորված ազգերի կազմակերպությունում ԱՄՆ ներկայացուցիչն, ասել է, որ սիրիական քիմիական զենքը, որը սպանում է քաղաքացիներին, 50 անգամ է օգտագործվել եւ սպանել է ընդամենը 200 խաղաղ բնակչի», - ասել է Ջաֆարին:
«Գիտեք սա Դիսնեյի մուլտֆիլմերի ինչ-որ ծաղրանկարների համար է լավ: Սպիտակ տունը ռազմավարությունը մշակում է այնպես, որ ինչ-որ մի կառավարություն 50 անգամ քիմիական զենք է կիրառում, որպեսզի սպանի 200 խաղաղ բնակչի, ինչպե՞ս է դա հնարավոր: Ինչպե՞ս է սա ընդհանրապես տեղավորվում տրամբանության մեջ»,-հարց է հնչեցրել դիվանագետը: