«Ռեալ»-ը երկու անպատասխան գնդակ ուղարկեց «Բարսելոնա»-ի դարպասը
ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Իսպանիայում ֆուտբոլի առաջնության 26-րդ տուրի շրջանակում կայացավ մրցաշրջանի ամենասպասված հանդիպումներից մեկը` «Ռեալ»-«Բարսելոնա»:
«Արմենպրես»-ի հաղորդմամբ` «Էլ Կլասիկո»-ի առաջին կեսի 45 րոպեների ընթացքում թե «Ռեալ»-ը, թե «Բարսելոնա»-ն մի շարք հնարավորություններ ունեին գրավելու մրցակիցների դարպասը, սակայն կամ դարպասապահներն էին իրենց տեղում, կամ էլ հարվածները բարձր, շեղ էին: Երկրորդ կեսի մեկնարկում առավել ակտիվ էին «արքայական ակումբի» ֆուտբոլիստները: Եվ 71-րդ րոպեին դիպուկ հարվածով աչքի ընկավ Վինիսիուսը: «Ռեալ»-ը հանդիպման ավելացված րոպեին խփեց նաև երկրորդ գնդակը: Աչքի ընկավ Մարիանոն, ով նոր էր փոխարինման դուրս եկել:
Այս հաղթանակից հետո «Ռեալ»-ը 56 միավորով դարձավ մրցաշարային աղյուսակի առաջատար: «Բարսելոնա»-ն 55 միավորով երկրորդն է:
Բաժանորդագրվեք մեր ալիքին Telegram-ում