Ջենիֆեր Էնիսթոնը հայտնվել է ամերիկյան Elle ամսագրի հունվարյան համարի շապիկին: Նշենք, որ եթե այս լուսանկարները դրվեն Ջենի հին լուսանկարների կողքին, ապա տարբերություն գտնելն անհնար կլինի:
Հարցազրույցում դերասանուհին առաջին անգամ բացահայտ խոսել է իր ամուսնությունների մասին: Հիշեցնենք, որ այս տարվա փետրվարին Ջենը երկու տարվա ամուսնությունից հետո բաժանվել է իր ամուսնուց՝ Ջասթին Թերուից, իսկ մինչ այդ (2000-ից մինչև 2005-ը) ամուսնացած էր Բրեդ Փիթի հետ, որի հետ խզեց հարաբերությունները, երբ նա հրապուրվեց Անջելինա Ջոլիով:
«Ես դատարկություն չեմ զգում: Իմ կարծիքով՝ իմ ամուսնությունները շատ հաջողակ են եղել: Եվ երբ նրանք մոտեցել են ավարտին, դա եղել է ընտրություն՝ մենք որոշել ենք երջանիկ լինել: Երբեմն երջանկությունը կախված է բաժանումից: Իհարկե, ծանր է եղել և յուրաքանչյուրի համար՝ տխուր, բայց ի վերջո՝ կյանքը մեկն է. ես չէի կարող հարաբերություններս շարունակել մենակությունից վախենալու պատճառով: Ամուսնությունը վախի պատճառով՝ արջի ծառայություն է: Ես չեմ համարում դա ձախողում»,- խոստովանել է Ջենիֆերը:
Էնիսթոնը խոսել է նաև մայրության մասին. համացանցում շատ է քննարկվում այն հարցը, որ դերասանուհին երեխաներ չունի: «Որոշ մարդիկ ստեղծված են ամուսնության համար: Ես չգիտեմ՝ դա որքանով է իմ մասին: Ով գիտի՝ ինչ է սպասվում ինձ ապագայում ընտանիքի առումով: Բայց այժմ գիտության և տեխնիկայի շնորհիվ մենք կարող ենք ուշացած անել այն, ինչը սովորաբար ավելի վաղ է տեղի ունենում»,- ասել է աստղը: