Գործող քաղաքապետի կարգախոսն է՝ «Շարունակենք միասին», ի՞նչը շարունակենք, ապօրինի կառուցապատումնե՞րը. մարզպետ

Հունիսի 9-ին Կոտայքի մարզի Աբովյան քաղաքում քաղաքապետի ընտրություններ են տեղի ունենալու: Ի սկզբանե առաջադրվել էր 6 թեկնածու, սակայն նրանցից մեկը հետ է վերցրել փաստաթղթերը: 5 թեկնածուներից 4-ը ինքնառաջադրվել են, իսկ մեկը ներկայացնում է իշխող «Քաղաքացիական պայմանագիր» կուսակցությունը: Ինքնառաջադրվել են գործող համայնքապետ Վահագն Գեւորգյանը, Սասուն Գրիգորյանը, Մանուկ Մկրտչյանը, Արթուր Ղազարյանը, ՔՊ-ի կողմից էլ առաջադրվել է Գրիգոր Գուլյանը: Մայիսից 22-ից մեկնարկել է քարոզարշավը, որը տեւելու է մինչեւ հունիսի 7-ը: Հունիսի 8-ին լռության օր է, իսկ 9-ին՝ ընտրությունների:

Կոտայքի մարզպետ Ռոմանոս Պետրոսյանը, որն այժմ արձակուրդի մեջ է գտնվում եւ մասնակցում է ՔՊ-ի թեկնածուի քարոզարշավին, «Հայկական ժամանակ»-ի հետ զրույցում ասաց, որ քարոզարշավը բավականին ակտիվ է ընթանում:

«Քաղաքական ասելիքի մասով բավականին հագեցած է: Շատ ակտիվ է գործող քաղաքապետ Վահագն Գեւորգյանի շտաբը՝ բակային հանդիպումներ, այցելություններ նաեւ փողոցներում, բակերում քարոզչական աշխատանքներ: Ակնհայտորեն՝ իհարկե դրական իմաստով, աչքի է ընկնում նաեւ ՔՊ-ի թեկնածուի քաղաքական թիմը: Դարձյալ քաղաքական ասելիքի կոնտեքստում կոնկրետ առարկայական մատնանշելով տեղական ինքնակառավարման մակարդակի բացթողումները, ակնհայտ թերացումներն ու առնվազն վերջին 4 տարվա ընթացքում տարված աշխատանքի գնահատականները շատ հստակ հնչեցվում են՝ իրերն իրենց անունով կոչելով»,- ասաց Պետրոսյանը:

Կոտայքի մարզպետը նշեց, որ մյուս 3 թեկնածուներից մեկն է միայն, որ բակային հանդիպումներ է իրականացնում, իսկ մնացած 2 թեկնածուները պասիվ են եւ իրենց շտաբերի մասշտաբով են գործունեություն ծավալում, որքանով որ ինքն է նկատել:

«Առհասարակ քաղաքական ասելիքի առումով բնականաբար գործող քաղաքապետը ցանկանում է իր աշխատանքները ներկայացնել վարդագույն լույսի ներքո, ինչ-որ թվեր մեջբերել՝ բյուջեի կատարողականը եւ այլն: Բայց աբովյանցին տեսնում է այն, ինչ ունենք, շոշափում է այն, ինչը շոշափելի է եւ հնչեցված թվերի, կատարողականների տոկոսների փոխարեն տեսնում ենք վատթար ներքաղաքային ենթակառուցվածքներ, տեսնում ենք արտոնյալ շրջանակներին օտարված բազմաթիվ համայնքային հողեր, զբոսայգիներ, ապօրինի կառուցապատված խանութներ, դղյակներ: Այժմ ապօրինի կառուցապատման հոդվածներով արձանագրված են մարզպետարանի վարչական հսկողության ակտում: Տեսնում ենք հողազավթումների բազմաթիվ դեպքեր, որոնք գործող քաղաքապետը իր լիազորությունների, պարտականությունների շրջանակում որեւէ փորձ չի արել առնվազն կասեցնելու: Եթե ոչ լուռ համաձայնությամբ, ապա անտարբերությամբ թույլ է տվել քաղաքում նման իրավիճակի կայացումը: Այդ դիսկուրսն է գնում այսօր: Պիտի շեշտեմ, որ Աբովյանի քաղաքացիներն արդեն տներից դուրս են գալիս բակ, գալիս են ընդառաջ այլընտրանքային թեկնածուին: 25 տարի քաղաքում ստատուս քվոն եղել է միեւնույն քաղաքական ուժի հովանու ներքո, միեւնույն քաղաքական ուժի թելադրանքով եւ վերարտադրումն էլ բացառապես այդ քաղաքական դաբռոներով»,- նշեց Պետրոսյանը:

Պետրոսյանի կարծիքով՝ այսօր ստատուս քվո է խախտվում. «Տարօրինակ է, բայց պիտի հնչեցնեմ այս միտքը՝ երկրում կառավարող քաղաքական ուժի՝ ՔՊ-ի թեկնածուն Աբովյանում այս պահին կարծես ընդդիմադիր գործունեություն է ծավալում: Քանի որ Աբովյանի տեղական ինքնակառավարումը դեռեւս ԲՀԿ-ի ձեռքում է բառի ամենաբուն իմաստով եւ ստացվում է, որ ՔՊ-ի թեկնածուն, ներկայացնելով իշխող քաղաքական ուժը, այս պահին Աբովյանում ընդդիմության կարգավիճակում է եւ ընդդիմադիր քարոզարշավ է անում՝ քննադատելով Աբովյանում տասնամյակներ ղեկավարած ուժի բացթողումները, զանցանքները, ինչպես նաեւ հանցանքները: Բնավ չխախտելով անմեղության կանխավարկածը՝ մենք մատնացույց ենք անում հարուցված 3 քրեական գործերը՝ գործող քաղաքապետի թիմի եւ իրենց գործունեության նկատմամբ: Վերջինը հարուցվել է մայիսի 27-ին: Ես գլխավոր դատախազությունից ստացա պաշտոնական գրությունը, որը փաստում է, որ Աբովյանում փետրվար-մարտ ամիսներին անցկացված 67 համայնքային սեփականություն հանդիսացող հողակտորների դասական աճուրդների ընթացքում թույլ տրված իրավախախտումների փաստերի հիման վրա Գլխավոր դատախազը որոշում է կայացրել բեկանել Կոտայքի ոստիկանության մարզային վարչության Աբովյանի բաժնի հետաքննիչի որոշումը՝ գործ չհարուցելու մասին եւ որոշել է քրեական գործ հարուցել քրեական օրենսգրքի 308 հոդվածի 1-ին մասով՝ պաշտոնեական լիազորությունների չարաշահում»:

ՀԺ-ն Պետրոսյանից հետաքրքրվեց՝ արդյո՞ք թեկնածուների ծրագրերը նույնաբովանդակ են, թե հետաքրքիր եւ նոր բաներ են առաջարկվում քաղաքին եւ քաղաքացիներին. «Չէի ասի, որ նույնաբովանդակ են: 2 առավելագույն մասշտաբային քարոզարշավ իրականացնող թեկնածուներից մեկի՝ գործող քաղաքապետի կարգախոսն է՝ «Շարունակենք միասին»: Ի՞նչը շարունակենք 60-րդ հոդվածի հողի օտարումը, ապօրինի կառուցապատումնե՞րը, քաղաքացու մոտ հարցեր են առաջանում: Մեր քաղաքապետի թեկնածուի կարգախոսն է՝ «Քայլ արա՛ Աբովյան»: Հեղափոխության շունչը Աբովյան քաղաքի տեղական ինքնակառավարում բերելու քարոզարշավ է հիմա ընթանում: Կոնկրետ ծրագրերի մասով թիվ 1 անելիքը քաղաքում մեր թեկնածուն մատնանշում է օրենքի գերակայության եւ իրավահավասարության առաջնահերթությունը: Որովհետեւ, ցավոք սրտի, Աբովյանում դեռ գործ ունենք հին համակարգի քաղաքական ռահվիրաների հետ, իրենց փոխկապակացված շրջանակների, արտոնյալ զանգվածի: Բիզնես դաշտի 90 տոկոս եւ ավելին է իրենց ձեռքերում: Դրանով թելադրում են իրենց քաղաքականությունը, դոմինանտությունը՝ Աբովյանի քաղաքական ստատուս քվոյի մեջ: Գործող քաղաքապետի եւ ՔՊ-ի թեկնածուի միջեւ դիսկուրսը այս հարթության մեջ է: Մյուս թեկնածուների ծրագրերի մասով պարզապես ասեմ, որ ծրագրեր են, որ հարիր են այս փոքրիկ քաղաքին՝ կանաչապատման մասին, հողեր չօտարելու մասին: Բայց քաղաքական ասելիքի մասով դիսկուրսը այդ հարթությունում չպիտի տարվի: Այժմ դիսկուրսը շատ ավելի բարձր քաղաքական հարթությունում է, որտեղ գտնվում են առնվազն 2 թեկնածուներ՝ հին քաղաքական մշակույթի եւ նորի, այն քաղաքական մշակույթի, որ դեռեւս գործող քաղաքապետի անցյալ տարվա նոյեմբերի որոշմամբ Աբովյանի վերջին համայնքային գրադարանը լուծարվեց, միակ գրադարանը՝ 60 հազար բնակիչ ունեցող քաղաքում լուծարման են տարել: 2 տարի առաջ լուծարել են Աբովյանի քաղաքային թատրոնը: Աբովյանում ունենք մանկապարտեզներ, որոնք լիցենզավորված չեն: Աբովյանում մանկապարտեզների վարձավճարները ամենաբարձրն են Հանրապետությունում՝ 8 հազար դրամ ամսական: Բայց գործող քաղաքապետը շեփորում է, որ ունի մեծ խնայողություններ, բյուջեի կատարողական: Դրանք գրոշի արժեք չունենք պետության համար, քաղաքացու համար, եթե քաղաքացու կյանքը ավելի հեշտ ու բարեկեցիկ չեն դարձնում: Խնայողություններ մեզ պետք չեն, մեզ պետք է պրագմատիկ՝ քաղաքացիակենտրոն կառավարում: Ահա այդպիսի դիսկուրս է գնում մեր քարոզարշավում»,- ասաց Պետրոսյանը:

Հարցին, թե ինչպիսի՞ն է աբովյանցիների արձագանքը քարոզարշավի ժամանակ եւ ո՞ր թեկնածուի հանդեպ են ավելի դրական տրամադրված եւ ցանկանում քվե տալ, Պետրոսյանը պատասխանեց. «Որպեսզի տարընթերցման առիթ չտամ՝ թեկնածուի անուն չեմ նշի: Բայց ես ձեզ վկայակոչեմ պարզապես փաստ՝ դեկտեմբերի համապետական ընտրություններում ամբողջ ԲՀԿ-ն Աբովյան քաղաքում ֆիքսել է մոտ 4500 ձայն, իսկ «Իմ քայլը» դաշինքը՝ 11 հազարից ավելի: Դա արդեն ակնհայտորեն ցույց է տալիս Աբովյանի քաղաքացու տրամադրությունը: Բնականաբար, մենք ուղղակի հղում չենք կարող անել նախկին ընտրություններին: Որոշակի շրջանակների մոտ դեռ կա այդ կաշկանդումը: Իրենք մեզ հետ են, մեր ընտրողն են, ողջունում են մեր գործունեությունը, բայց նրանք չեն ուզում երեւալ, չեն ուզում մոտենալ մեզ բակերում, որովհետեւ ամեն դեպքում ներսում կաշկանդում ունեն: Այդ կաշկանդումը այս ընտրություններում մենք վերջնականորեն ջարդելու ենք, որպեսզի արժանապատիվ քաղաքացին որեւէ քաղաքական ուժի նկատմամբ՝ բացի քաղաքական ասելիքի եւ հաշվետվու ինստիտուտի պահանջի, այլ ակնկալիք եւ պահանջ չունենա: Աշխատանք, բարեգործություն, ուսանողական հիմնադրամներ եւ այլն, այդ ամենը խեղում է քաղաքական համակարգը, խոշոր հաշվով անդրադառնում է նաեւ մեր հասարակության ընդհանուր որակին, գիտակցականին եւ քաղաքացիական գիտակցությանը»:

Պետրոսյանը նշում է, որ այսօր Աբովյանում վերափոխման գործընթաց են իրականացնում. «Պիտի նաեւ ուրախությամբ հայտնեմ, որ կարծես թե կոտրել ենք այդ սառույցը: Մարդիկ խոսում են արդեն, մարդիկ անկաշկանդ սկսել են արտահայտվել, իրենց բողոքի ձայնը բարձրացնել: Համապետական մասշտաբով փոփոխությունների կողմնակից հասարակությունը բնականաբար պետք է նաեւ իր տանը պատրաստ լինի այդ փոփոխություններին: Այսօր աբովյանցին այդ փոփոխություններին է գնում»,- եզրափակեց Պետրոսյանը:

Տպել
18404 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում