Ջորջ Քլունիի դեմքն ամենագեղեցիկն է ճանաչվել հայտնի տղամարդկանց շարքում

ԵՐԵՎԱՆ, 27 հուլիսի. /Նովոստի–Արմենիա/. Ամերիկացի դերասան Ջորջ Քլունիի դեմքը ճանաչվել է աշխարհում ամենագեղեցիկը հայտնի տղամարդկանց շարքում։ Այդ մասին հինգշաբթի գրում է Daily Mail–ը, հայտնում է lenta.ru–ն։

Տասն աստղերից բաղկացած վարկանիշը կազմել են Լոնդոնի պլաստիկ վիրաբուժության կենտրոնի աշխատողները։ Միաժամանակ, նրանք առաջնորդվել են ոսկե հատման բանաձևով։

Չափումները ցույց են տվել, որ 56–ամյա Քլունիի դեմքի համամասնությունները 91.86 տոկոսով համապատասխանում են էտալոնին։ Երկրորդ տեղում դերասան Բրեդլի Կուպերն է 91.80 տոկոս համապատասխանությամբ։ Երրորդ հորիզոնականում Բրեդ Փիթն է 90.51 տոկոսով։


Ցանկում ընդգրկվել են նաև երգիչ Հարրի Սթայլսը (89,63 տոկոս), ֆուտբոլիստ Դևիդ Բեքհեմը (88,96), դերասաններ Ուիլ Սմիթը (88,88), Իդրիս Էլբան (87,93) և Ռայան Գոսլինգը (87,48), ինչպես նաև One Direction խմբի անդամ Զեյն Մալիկը (86,5)։ Վարկանիշը եզրափակում է դերասան Ջեյմի Ֆոքսը 85.46 տոկոս համապատասխանությամբ։

2016 թվականին պլաստիկ վիրաբուժության կենտրոնի աշխատողներն Էմբեր Հերդի դեմքն էին ճանաչել ամենագեղեցիկը հայտնի կանանց շարքում։ Նրա դեմքի համամասնություններնը կատարյալի հետ համընկել են 91.85 տոկոսով։

Քլունին նկարահանվել է այնպիսի ֆիլմերում, ինչպիսիք են` «Մայրամուտից արևածագ», «Կարդալուց հետո այրել», «Ապրած կենա Կեսարը», «Օ, որտե՞ղ ես, եղբայր», ինչպես նաև «Օուշենի ընկերներ» եռապատման մեջ։ 2009 թվականին Time ամսագիրը նրան ճանաչել է աշխարհի ամենաազդեցիկ մարդկանցից մեկը։ -0-