Վերջին զանգի օրը Ոստիկանության հատուկ պահպանվող տարածք տեղափոխված ավտոմեքենաներից 33-ի ղեկին եղել են անչափահասներ
13:48, 3 Հունիս 2022
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: «Վերջին զանգի» միջոցառումների անվտանգության ապահովման նպատակով կազմակերպված ուժեղացված ծառայության արդյունքում, ժամը 13:00-ի դրությամբ, ոստիկանության պահպանվող հատուկ տարածքներ են տեղափոխվել 39 տրանսպորտային միջոց:
«Արմենպրես»-ի փոխանցմամբ՝ այս մասին հայտնում են ՀՀ ոստիկանությունից, նշելով, որ այդ տրանսպորտային միջոցներից 33-ի ղեկին եղել են անչափահասներ, չորս անձ մեքենան վարել է առանց վարորդական իրավունքի վկայականի, մեկը՝ փոխարինված համարանիշով, մեկը՝ ոչ սթափ վիճակում։
Մինչ այս պահը շրջանավարտների մասնակցությամբ ճանապարհատրանսպորտային պատահար չի արձանագրվել։
Բաժանորդագրվեք մեր ալիքին Telegram-ում