NASA-ն հրապարակել է Curiosity մարսագնացի ինքնանկարը, որը կատարվել է Շարփ լեռների ֆոնին, որը հետազոտությունների վայրերից մեկն է: Լուսանկարը նվիրված է Մարսի վրա ԱՄՆ գիտական առաքելության 14-ամյակին, փոխանցում է RG-ն:
Երբ 2012 թվականին Curiosity-ն փափուկ վայրէջք կատարեց Գեյլի խառնարանի հաշվարկված կետում, նրա ծառայության տարին նախատեսված էր մեկ մարսիական տարի (երկրային 686 օր): Սակայն ռոբոտը մինչ օրս աշխատում է, այն Կարմիր մոլորակի մակերեւույթի վրայով 15,26 կմ է անցել, ջարդվել ու վերանորոգվել է, ուղարկել է բազմաթիվ եզակի լուսանկարներ, հայտնաբերել է հնագույն լճի հետքերը. այն, ենթադրաբար, քաղցրահամ է եղել եւ ունեցել է կյանքի համար անհրաժեշտ բոլոր քիմիական տարրերը: Լիճը գոյություն է ունեցել գրեթե 3,6 մլրդ տարի առաջ: Մարսագնացը հանել եւ վերլուծել է նաեւ բնահողի նմուշներ. մարսագնացում կան դրա համար անհրաժեշտ սարքավորումներ, իսկ վայրէջքի համար Գեյլի խառնարանն է ընտրվել նրա լանջերին մերկացած նստվածքների պատճառով, որոնք ձեւավորվել են միլիոնավոր տարիներ առաջ:
Curiosity-ն ունի եռահոդ մանիպուլյատոր՝ 2,1 մետր երկարությամբ, որի օգնությամբ ռոբոտը կարող է ինքն իրեն լուսանկարել տեղական տեսարժան վայրերի ֆոնին եւ ոչ միայն: 2018-ի մայիսին Nasa-ն ծրագրում է Մարս ուղարկել երկրաբանական InSight զոնդը: 14-ամյա մարսյան առաքելության հակիրճ պատմությունը գործակալությունը ներկայացրել է 2,5-րոպեանոց հոլովակով: