Իտալական Gucci նորաձևության տանը մեղադրել են մշակութային յուրացման մեջ՝ բրիտանական Nordstrom լյուքսային խանութում կրոնական իրի վաճառքի պատճառով, հայտնում է Independent-ը։
Twitter-ի օգտատերերը Gucci-ն քննադատել են սիկխերի (էթնոկրոնական խումբ Հնդկաստանում) հագուստի միջոցով գումար աշխատելու փորձի համար, որն այդ կրոնի հետևորդները համարում են բարեպաշտության, բարոյական արժեքների և հոգևորի խորհրդանիշ։
2018թ.-ի փետրվարին՝ նորաձևության իտալական շաբաթվա ընթացքում Gucci-ի կողմից առաջին անգամ ներկայացված կապույտ գույնի հնդկական թյուրբանն այժմ հասանելի է նաև Nordstrom-ի կայքում՝ 790 դոլարով։
«Հարգելի Gucci, սիկխերի թյուրբանը սպիտակամորթ մոդելների համար նորաձև աքսեսուար չէ: Դա սիկխերի հավատքի խորհրդանիշն է: Գրպանները լցնելուց առաջ հարգեք մարդկանց կրոնական զգացմունքները»,- զայրացել են օգտատերերը։
Միևնույն ժամանակ, սիկխերի նյույորքյան համայնքը Twitter-ում կատարած գրառման մեջ հիշեցրել է, որ միլիոնավոր սիկխեր այն սուրբ են համարում, իսկ նրանք, ովքեր այն կրում են որպես ոճային աքսեսուար, չեն կարող խորը զգալ դրա կրոնական արժեքը:
