ԱՄՆ նախագահ Դոնալդ Թրամփը Սիրիայի վերաբերյհալ հայտարարություններով լուծում է սեփական ներքաղաքական խնդիրները: Այսպիսի կարծիք է հայտնել Իրանի ԱԳ նախարար Մոհամմադ Ջավադ Զարիֆը, հայտնում է Mehr գործակալությունը:
«Թրամփը փորձում է պղտոր ջրում ձուկ որսալ, որ լուծի ներքաղաքական խնդիրները: ԱՄՆ-ում նրա դիրքը դժվար է կայուն անվանել, եւ նա փորձում է այս խնդիրը փոխհատուցել սիրիացի ժողովրդի հաշվին»,- ասել է Զարիֆը:
Նա ԱՄՆ նախահգհահին կոչ է արել «մի կողմ քաշվել, որ հնարավորություն տա աշխատելու նրանց, ովքեր Սիրիայում մարտնչում են ահաբեկիչների դեմ»: «Եթե ուրիշները չխառնվեն, մենք երկրում ծայրահեղականության խնդիրն ավելի արագ կլուծենք»,- ասել է նա:
Ավելի վաղ Թրամփը Twitter-ում գրել էր, որ Սիրիայի նախագահ Բաշար Ասադը «չպետք է ոչ ողջախոհ կերպով հարձակվի սիրիական Իդլիբ նահանգում»: Նա նշել է, որ «ռուսներն ու իրանցիները հումանիտար մեծ սխալ կկատարեն՝ մասնակցելով այս պոտենցիալ մարդկային ողբերգությանը»:
Իդլիբը Սիրիայում միակ խոշոր շրջանն է, որը մնում է ապօրինի զինված խմբավորումների ձեռքում:
