3381 դիտում
15:42 11-09-2018
Զոհրաբ Մնացականյանը հայտնեց շատ շուտով Ադրբեջանի ԱԳ նախարարի հետ հանդիպման մասին
Հայաստանի ու Ադրբեջանի արտաքին գործերի նախարարներ Զոհրաբ Մնացականյանը և Էլմար Մամեդյարովը շատ շուտով նոր հանդիպում կունենան: Ինչպես հաղորդում է «Արմենպրես»-ը, այս մասին հրավիրված մամուլի ասուլիսի ժամանակ հայտարարեց հենց Մնացականյանը՝ հրաժարվելով, սակայն, այս պահին հստակ ժամկետներ նշել:
«Ես փորձում եմ այդ հարցում լինել շատ կոռեկտ և հայտարարություններ անել համաձայնեցված կերպով: Հանդիպման մասին մենք կհայտարարենք (խմբ.- Ադրբեջանի հետ) համաձայնեցված կերպով, որպեսզի պահպանենք միմյանց նկատմամբ հարգանքը»,- ասաց ՀՀ ԱԳ նախարարը:
Նա հիշեցրեց, որ հայկական կողմը ներգրավված է բանակցային գործընթացում: «Մենք
արտահայտել ենք մեր հավատարմությունը խաղաղ բանակցությունների գործընթացին:
Հուլիսին հանդիպում եղավ Բրյուսելում, պայմանավորվածություն ձեռք բերվեց շարունակելու գործընթացը, կազմակերպելու հաջորդ հանդիպումը: Այդ հանդիպումը տեղի է ունենալու շատ շուտով: Համաձայնեցված ձևով կխոսենք այդ մասին»,- նշեց Մնացականյանը:
ՀՀ արտգործնախարարի պաշտոնում Զոհրաբ Մնացականյանի առաջին հանդիպումն Ադրբեջանի գործընկերոջ՝ Մամեդյարովի հետ տեղի էր ունեցել հուլիսի 11-ին:
Նմանատիպ նյութեր
1334 դիտում
14:03 26-09-2019
Զոհրաբ Մնացականյանը եռակողմ հանդիպում է ունեցել Կիպրոսի ԱԳ նախարարի և Հունաստանի ԱԳ նախարարի հետ
4996 դիտում
14:57 04-04-2019
Մամեդյարովը հայտարարել է «շատ շուտով» Զոհրաբ Մնացականյանի հետ հանդիպելու մասին
Այս բաժնից
499 դիտում
18:38 19-04-2024
ԿԽՄԿ-ն մեկնաբանել է Ռուբեն Վարդանյանի հացադուլի հետ կապված իրավիճակը
313 դիտում
18:27 19-04-2024
Անահիտ Մանասյանն ընդունել է Իրանի դեսպանի գլխավորած պատվիրակությանը