Այս տարվա ամենաանհաջող միլիարդատերը, ըստ Forbes-ի, Facebook-ի ղեկավար Մարկ Ցուկերբերգն է: Ինչպես նշվել է ամսագրի հրապարակած վարկանիշային աղյուսակում, 2018 թվականին նա կորցրել է մոտ 18,7 մլրդ դոլար:
Facebook- ի բաժնետոմսերի արժեքի կտրուկ անկման պատճառով Ցուկերբերգի կարողությունը նվազել է մինչև 52,5 մլրդ դոլարի: Նա վարկանիշային աղյուսակում հայտնված միակ ամերիկացին է:
Երկրորդ տեղում աշխարհի ամենախոշոր մանրածախ առևտրականներից մեկը՝ Ամանսիո Օրտեգան է, որին պատկանում են Zara, Bershka, Massimo Dutti և այլ ապրանքանիշեր:
Ընկերության բաժնետոմսերը 2018թ. սեպտեմբերին գրանցել են վերջին երեք տարվա ամենացածր ցուցանիշը, իսկ Օրտեգան կորցրել է 16,2 մլրդ դոլար: Նրա կարողությունը այժմ կազմում է 59,6 միլիարդ դոլար:
Երրորդ տեղում է Schaeffler AG-ի սեփականատեր Գեորգ Շեֆլերն է: Եվրոպայում և Չինաստանում ավտոմոբիլային շուկայի անկման հետևանքով նա կորցրել է 14 մլրդ դոլար, այժմ նրա կարողությունը գնահատվում է 12,9 մլրդ դոլար: