Բանակի ու զինծառայողի իրական կարիքների համար փող չկա, հոգեւորականների համար գտնվում է

Բանակի ու զինծառայողների կարիքների համար գումար հանգանակելը իշխանությունների մոտ սովորույթի է վերածվում:

Սերժ Սարգսյանը Պաշտպանական անվտանգության հետազոտական համալսարանում հոկտեմբերի 24-ին հայտարարել էր նոր հոսպիտալ ունենալու անհրաժշտության եւ այդ ուղղությամբ ձեռնարկվող քայլերի մասին:

«Այսօր բավական լուրջ առաջընթաց է գրանցվել Հայաստանի բժշկական կենտրոնների վիճակի առումով՝ թե՛ Երեւանում, թե՛ մարզերում: Ցավոք, մեր զինված ուժերի կենտրոնական հոսպիտալն այլեւս չի համարվում արդիական` գերժամանակակից այլ հաստատությունների հետ համեմատ: Կասկածից վեր է, որ սպային, զինծառայողին եւ նրա ընտանիքին սպասարկող բուժհաստատությունը պետք է լինի լավագույններից մեկը երկրում: Ես հանձնարարել եմ պաշտպանության նախարարին ավարտին հասցնել նոր հոսպիտալի տեխնիկական առաջադրանքի մշակումը եւ  նախագծման աշխատանքները: Վստահ եմ, որ տեսանելի ապագայում մենք սկսելու ենք այդպիսի հոսպիտալի շինարարություն»,- ասել էր նա:

Ու մինչ կհասցնեինք նոր հոսպիտալ կառուցելու մտադրությունը պետության հոգատարության դրսեւորում համարել՝ Սերժ Սարգսյանի խոսքերին հետեւեց պաշտպանության նախարար Վիգեն Սարգսյանի աչքալուսանքը՝ պետական բյուջեից որեւէ լումա չի ծախսվելու:

«Դա (նոր հոսպիտալը-խմբ.) շատ կարեւոր է մեզ համար, քանի որ մեր հոսպիտալը չի համապատասխանում երկրում ձեւավորված բուժսպասարկման միջին ստանդարտին: Ես վստահ եմ, որ բոլորը կաջակցեն, կունենան ներդրում, որ կրկին ոչ բյուջետային միջոցներով կառուցենք այդ անհրաժեշտ հոսպիտալը զինծառայողների համար»,- Ազգային ժողովում հարցուպատասխանի ժամանակ էլ հայտարարել էր Վիգեն Սարգսյանը:

Թե՛ նա եւ թե՛ Սերժ Սարգսյանը հիշատակել էին նաեւ Բժշկական համալսարանում ստեղծվող վերականգնողական կենտրոնի օրինակը, որտեղ զինհաշմանդամները պետք է եկարատեւ վերականգնողական բուժում ստանան ու որի բացումը նախատեսված է հաջորդ տարվա հունվարին: Այս կենտրոնն իր դռները կբացի հանգանակությունների շնորհիվ, որը ոչ միշտ է կամավոր եղել: Բժշկական համալսարանից վերջերս ահազանգ էինք ստացել, որ աշխատողներին պարտադրում են հրաժարվել աշխատավարձի որոշակի մասից: Բուհն, իհարկե, հերքել էր պարտադրանքի մասը:

Սրան զուգահեռ էլ վերջին օրերին հանրային քննարկման առարկա  դարձավ այն փաստը, որ զինված ուժերում (ԶՈՒ) հոգեւականների կենսապահովման նպատակով ՀՀ պետական բյուջեից բավական գումարներ են ծախսվում: ՀՀ կառավարության N1199-Ն որոշմամբ, որն ընդունվել է 2015 թվականին, սահմանվում է, որ ՀՀ ԶՈՒ հոգեւոր ծառայության առաջնորդի դեպքում ծախսերի ամսական չափը կազմում է 300 հազար դրամ, հոգեւոր ծառայության փոխառաջնորդի դեպքում՝ 225 հազար, զորամիավորման հոգեւոր ծառայության առաջնորդի դեպքում՝ 200-225 հազար՝ կախված ընտանիքի անդամների թվից: Առաջին կարգի զորամասի հոգեւոր ծառայության սպասավորի պարագայում, որպես կենսապահովման ծախս, սահմանված է 165-200 հազար դրամ, երկրորդ կարգի զորամասի հոգեւոր ծառայության սպասավորի պարագայում՝ 150-175 հազար, իսկ երրորդ կարգի զորամասի հոգեւոր ծառայության սպասավորի դեպքում այդ գումարի չափը 125-150 հազար դրամ է:

Ռազմական փորձագետ Կարեն Վրթանեսյանից հետաքրքրվեցինք, թե պետության որդեգրած այս մոտեցումը որքանով կարող է նպաստել բանակի ամրանալուն ու կայանալուն, երբ մի կողմից զինված ուժերի ու զինվորի իրական կարիքների համար գումար չի գտնվում կամ ծախսելը չի համարվում նպատակահարմար, եւ պետությունն ապավինում է հանգանակության տարբերակին, մյուս կողմից էլ բանակում հոգեւորականներ աշխատելու համար հատկացվում են բյուջետային միջոցներ:  

«Այսպես ասեմ, նույն Բրիտանիայում կամ Միացյալ Նահանգներում կան տարբեր հիմնադրամներ, որոնք ընդունում են հանգանակություններ ե՛ւ մասնավոր անձերից եւ ինչ-որ կազմակերպություններից, որոնք ուղղվում են օրինակ վիրավորներին լրացուցիչ բուժում տալու, ռեաբիլիտացիոն ծրագրերի համար եւ այլն: Ընդ որում, եթե Բրիտանիայի կամ Միացյալ Նահանգների դեպքում այդ վիրավորները կամ զոհվածները մեծ հաշվով ինչ-որ իմպերիալիստական պատերազմներում են վիրավորվել կամ զոհվել, երբ այդ պատերազմներն անմիջականորեն կապված չեն Միացյալ Նահանգների եւ Բրիտանիայի անվտանգության հետ, մենք ապրում ենք մի տարածաշրջանում, որտեղ հենց մեր սահմանների մոտ ունենք հակառակորդ, որը շատ ուղիղ ձեւով, ոչ միջնորդավորված, սպառնում է մեր անվտանգությանը: Բնական է, որ մոբիլիզացվում է հասարակությունը, ինչ-որ դեպքում դա կարող է մեծահարուստ լինել, ինչ-որ դեպքում՝ մարդիկ ուղղակի 10-15-20 հազար դրամ հավաքեն՝ աջակցելու համար: Դա նաեւ նրանից է, որ մարդիկ գիտակցում են անմիջական վտանգը եւ այն, որ այդ վտանգը շատ մոտ է: Ես ճիշտն ասած դա աննորմալ չեմ համարում»,- կարծիք հայտնեց Կարեն Վրթանեսյանը:

Ասաց, որ իրեն հայտնի չեն դեպքեր, երբ մարդկանց պարտադրեն մասնակցել հանգանակությանը. «Ճիշտն ասած ես այդպիսի օրինակ չգիտեմ՝ ինչ-որ մարդկանցից փող խլեն ու տան զինվորին: Եթե այդպիսի խնդիր կա, իրենք պետք է դիմեն համապատասխան մարմիններ ու իրենց բողոքը հասցնեն: Եթե մարդուն ստիպում են ոչ օրինական վճարում անել, դա արդեն լրիվ ուրիշ թեմա է ու կապ չունի՝ բանակի՞ համար է, թե մեկ այլ նպատակով»:

Ռազմական փորձագետը նաեւ նշեց, որ բանակում հոգեւոր սպասավորների ծառայության համար հատկացվող գումարներից տեղյակ չէ, իսկ հոգեւորականների ներկայությունը զինված ուժերում համարում է արդարացված:

«Դա էլ է նորմալ պրակտիկա, որ բանակում կան նաեւ հոգեւոր սպասավորներ, դա եւս պատմական եւ համաշխարհային պրակտիկա»,- ասաց նա եւ հավելեց.

«Ու շատ դեպքերում, գոնե Հայաստանի փորձը այդպես է ցույց, որ հոգեւորականները նույնիսկ ավելի արդյունավետ են աշխատում, քան ասենք այսպես ասած հոգեբանները: Ինչու եմ ասում՝ այսպես ասած, որովհետեւ երբեմն հոգեբանի հաստիքում ինչ-որ զինվորականի են տեղավորում, որը չունի հոգեբանական կրթություն»:

Հայաստանյայց առաքելական եկեղեցու պաշտոնական կայքէջից տեղեկանում ենք, որ 2016 թվականի հունվարի դրությամբ ՀՀ զինված ուժերում ծառայել են թվով 51 հոգեւորականներ՝ 2 աբեղաներ, 10 քահանաներ եւ 39 սարկավագներ: ՀՀ ԶՈՒ հոգեւոր առաջնորդը Գերաշնորհ Տ. Վրթանես եպիսկոպոս Աբրահամյանն է:

Տպել
4750 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում