Ամերիկյան Tampa Bay Lightning հոկեյի թիմի երկրպագուն ստիպված էր գլխարկը համտեսել այն բանից հետո, երբ պարտվեց գրազը, թե ով կանցնի Ազգային հոկեյի լիգայի փլեյ-օֆֆի հաջորդ փուլ: Գրազի վերաբերյալ տեսանյութը տղան տեղադրել է Reddit-ում:
Կայքի օգտատերը գրազ է եկել, որ իր սիրելի թիմը կհաղթի «Կոլամբուսին», որը նախկինում մրցակցից վատ էր խաղում: Սակայն «Կոլամբուսը» 7: 3 հաշվով հաղթել է «Թամպային» և տղան ստիպված է եղել կատարել գրազի պայմանը:
Տղան ամբողջովին չի կերել գլխարկը՝ պատճառաբանելով, որ դրանից հետո կհայտնվի հիվանդանոցում: Նա գլխարկից մի քանի կտոր է կտրել, մի բաժակ ջուր վերցրել և մի քանի րոպեի ընթացքում հերթով կերել դրանք: Տեսանյութի վերջում նա բացել է բերանը, ցույց տալու համար, որ չի թաքցրել գլխարկի կտորները և անպարկեշտ արտահայտություն արել «Կոլամբուսի» երկրպագուների հասցեին:
Շատ օգտատերեր գովել են տղային քաջության համար, բայց և մտավախություն հայտնել նրա առողջության համար:
