Վրաստանում գրանցվել է ընթացիկ տարում A խմբի (H1N1) վիրուսով հիվանդությունից մահվան երկրորդ դեպքը, հիվանդություն, որը հայտնի է որպես «խոզի գրիպ»: Այդ մասին դեկտեմբերի 25-ին հայտնել են վրացական ԶԼՄ-ները:
Քութայիսում մահացել Է 30 տարեկան հղի կին, որը հիվանդանոց էր տեղափոխվել ծանր վիճակում: ԶԼՄ-ները նշել են, որ բժիշկներին հաջողվել է փրկել երեխային, հղիության 38-րդ շաբաթում գտնվող կնոջը կեսարյան հատում են արել: Հաղորդվում է նաև, որ նորածնի վիճակը բավարար է:
Ավելի վաղ հայտնի էր դարձել, որ անցյալ շաբաթ Բաթումում «խոզի գրիպից» մահացել Է 53-ամյա մի կին: Վրաստանի առողջապահության նախարար Դավիթ Սերգեենկոն դեկտեմբերի 24-ին լրագրողներին ասել է, որ երկրում գրիպի վիրուսով հիվանդանալու դեպքերի թիվը վերջին ժամանակներս ավելացել է, սակայն համաճարակի սպառնալիք դեռևս չկա:
