1000х90.jpg (78 KB)

Երևանում՝ 11:07,   28 Մարտ 2024

Նախագահ Սերժ Սարգսյանը Բրյուսելում մասնակցում է ԱլԳ գագաթնաժողովին ընդառաջ ԵԺԿ առաջնորդների հանդիպմանը

Նախագահ Սերժ Սարգսյանը Բրյուսելում մասնակցում է ԱլԳ գագաթնաժողովին ընդառաջ ԵԺԿ առաջնորդների 
հանդիպմանը

ԲՐՅՈՒՍԵԼ, 23 ՆՈՅԵՄԲԵՐԻ, ԱՐՄԵՆՊՐԵՍ: Բյուսելում մեկնարկել է Եվրոպական ժողովրդական կուսակցության առաջնորդների հանդիպումը: Ինչպես Բրյուսելից հաղորդում է «Արմենպրես»-ի թղթակիցը, ԵԺԿ հանդիպմանը և Եվրամիության Արևելյան գործընկերության գագաթնաժողովին մասնակցելու նպատակով Բրյուսել այցելած ՀՀ Նախագահ Սերժ Սարգսյանը ժամանել է հանդիպման վայր: Օրակարգում նոյեմբերի 24-ին կայանալիք Արևելյան գործընկերության գագաթնաժողովի նախապատրաստումն է: Առաջնորդների հանդիպումը հյուրընկալում է ԵԺԿ նախագահ Ժոզեֆ Դոլը:

Հանդիպման վայր են ժամանել նաև Եվրոպական խորհրդի, Եվրոպական հանձնաժողովի և Եվրախորհրդարանի նախագահները՝ Դոնալդ Տուսկը, Ժան-Կլոդ Յունկերը և Անտոնիո Տայանին: 

Հանդիպմանը մասնակցում են նաև ԵՄ անդամ Ֆրանսիայի, Խորվաթիայի, Էստոնիայի, Սլովակիայի, Սլովենիայի, Լիտվայի, Լատվիայի, Հունգարիայի ներկայացուցիչները:

ԵԺԿ փոխնախագահ, ԵՄ Հարևանության քաղաքականության և ընդլայնման հարցերով հանձնակատար Յոհաննես Հանը և ԵԺԿ փոխնախագահներ Քինգա Գալը և Դարա Մըրֆին ևս ներկա են:

ԵԺԿ առաջնորդները մասնակցել են արարողակարգային նկարահանման: Հանդիպումն անցկացվում է փակ ձևաչափով:  

Հանդիպմանը մասնակցում է նաև ՀՀԿ նախագահի տեղակալ, ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]