Telegram-ի հիմնադիր Պավել Դուրովը նախազգուշացրել է, որ եվրոպացի օգտատերերի մոտ, հնարավոր է, մեսենջերին միանալու խնդիրներ առաջանան սերվերների գերտաքացման պատճառով, փոխանցում է Meduza-ն:
Downdetector կայքի տեղեկություններով, որը հետեւում է խոշոր ինտերնետ սերվերների աշխատանքի խնդիրներին, Telegram-ում խափանումը գրանցվել է ապրիլի 29-ին, ժամը 04:34-ին: Սակայն մեսենջերի աշխատանքից բողոքները շարունակվել են ստացվել նաեւ առավոտյան: Օգտատերերը խափանումներ են գրանցել Հայաստանում, Ռուսաստանում, Բելառուսում, Ուկրաինայում, Ֆրանսիայում, Իտալիայում եւ այլ երկրներում: