ԱՄՆ պաշտպանության նախարար Մարկ Էսփերը հայտարարել է, որ Թուրքիան կարող է ամերիկյան F-35 ինքնաթիռները ձեռք բերել միայն այն դեպքում, եթե ամբողջովին հրաժարվի ռուսական С-400 զենիթահրթիռային համակարգերից: Այս մասին պենտագոնի ղեկավարը հայտարարել է չորեքշաբթի, օգոստոսի 28-ին, լրագրողների համար ճեպազրույցի ժամանակ, գրում է ՏԱՍՍ-ը:
Հարցին, թե պատրաստ կլինի արդյոք ԱՄՆ-ը վերադարձնել Թուրքիային F-35 ինքնաթիռների արտադրության ծրագիր, եթե նա հրաժարվի С-400-ի շահագործումից, Էսփերը բացասական պատասխան է տվել:
«Ես այս մասին շատ հստակ խոսել եմ ինչպես հրապարակայնորեն, այնպես էլ մասնավոր կարգով իմ թուրք գործընկերների հետ շփումների ժամանակ. խոսքը կամ F-35-ի կամ C-400-ի մասին է: Ոչ երկուսի (համակարգերի): Չի կարելի մեկը դնել ավտոտնակում, իսկ մյուսը՝ շահագործել. կա՛մ մեկը, կա՛մ մյուսը»,- շեշտել է պենտագոնի ղեկավարը:
Միևնույն ժամանակ, նա խոստովանել է, որ Անկարայի կողմից C-400 ԶՀՀ-ից լրիվ հրաժարվելու դեպքում Վաշինգտոնը կարող է ուսումնասիրել F-35-ի արտադրության ծրագիր Թուրքիայի վերադարձի հարցը:
Այսպիսով, Էսփերն արձագանքել է Թուրքիայի արտգործնախարար Մևլյութ Չավուշօղլուի հայտարարությանը, որը շեշտել է, որ Միացյալ Նահանգները պետք է իր երկրին մատակարարի կործանիչներ, որոնց համար արդեն վճարվել է 1.4 միլիարդ դոլար: