Ի՞նչ փաստի առթիվ պետք է ՀՔԾ-ն քրեական գործ հարուցեր, արդյոք առաջացե՞լ էին մարմնական վնասվածքներ, որոնք ունեին համապատասխան հիմք՝ միջին ծանրության, թեթև ծանրության, որի արդյունքում պետք է հարուցվեր քրգործ: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Նիկոլայ Բաղդասարյանը՝ անդրադառնալով մայիսի 8-ին ԱԺ-ում տեղի ունեցած ծեծկռտուքին և ՀՔԾ-ի կողմից քրգործ չհարուցելուն:
«Արդյոք եղե՞լ է Սասուն Միքայելյանի կողմից պարբերաբար ծեծի ենթարկելու կամ Էդմոն Մարուքյանի կողմից այլ անձի նկատմամբ պարբերաբար ծեծի ենթարկելու փաստեր: Որովհետև 118-րդ հոդվածը նախատեսում է, որ դա պետք է կրի պարբերական բնույթը: Դուք ինքներդ էլ տեսել եք, և կարող են բոլորն էլ փաստել, որ բարբերական բնույթ չի եղել: Այդ դեպքում տվյալ արարքում հանցակազմը բացակայում է»,-ասաց նա: