Այսօր՝ հունվարի 23-ին, Ազգային ժողովում շարունակվում է հերթական նիստի աշխատանքը:
«Ժամեր առաջ կրակոցներ են հնչել Երևանի սրտում՝ Հանրապետության հրապարակում՝ «Էրեբունի պլազա» հյուրանոցում»,- հայտարարեց պատգամավոր Արման Բաբաջանյանը:
Դատապարտելով տեղի ունեցածը և համարելով լրջագույն ահազանգ ՀՀ իրավապահ մարմիններին՝ նա հավելեց. «Այդ նույն շենքում տեղակայված են Ռոբերտ Քոչարյանի գրասենյակը և նրա անվան հետ կապվող հեռուստատեսությունը»:
Պատգամավորի խոսքով՝ այս հանցագործությունը շատ նման է ահաբեկչության. «Այս կրակոցները պետք է ահազանգ լինեն ՀՀ իրավապահ մարմինների համար: Այս իրավիճակն անցնում է թույլատրելիի բոլոր սահմանները: Սթափվե՛ք, պարոնայք»:
Արման Բաբաջանյանը այս ամենի համատեքստում կրկին շատ կարևոր է համարում դատական բարեփոխումները:
«Որոշ ուժեր անում են ամեն ինչ արյուն թափելու համար: Սա ոչ միայն ներքին, այլև արտաքին անվտանգությանն ուղղված մարտահրավեր է՝ ընդդեմ ՀՀ անկախության և ինքնիշխանության»,- ընդգծեց Արման Բաբաջանյանը:
Մանրամասները՝ տեսանյութում: