1263 դիտում
11:31 16-11-2019
Թրամփին իմփիչմենթի ենթարկելու գործընթացը շարունակվում է ուղիղ եթերներով
Դոնալդ Թրամփին իմփիչմենթի ենթարկելու հարցով Ներկայացուցիչների պալատում սկսված գործի շրջանակներում ուրբաթ օրը հանդես եկավ Ուկրաինայում դեսպանի պաշտոնից մայիս ամսին ազատված Մարիե Յովանովիչը, հայտնում է [url=https://www.amerikayidzayn.com/a/5168002.html]Ամերիկայի Ձայնը[/url]:
Վերջինս հետ էր կանչվել Վաշինգտոն այն բանից հետո, երբ Թրամփի անձնական փաստաբան Ռուդի Ջուլիանին սկսել էր Յովանովիչի խոսքերով, ‘’կեղտոտ պայքար’’ իր դեմ:
Ուղիղ եթերով հեռարձակվող լսումների բացման իր խոսքում հետաքննությունների հարցերով հանձնաժողովի նախագահ Ադամ Շիֆը հայտարարեց, թե Յովանովիչի դեմ ‘’կեղտոտ արշավի’’ հեղինակը ինքը` Թրամփն է:
Հանրապետական կոնգրեսականները, ի դեմս Դեյվին Նյունեսի, այս լսումները նորից դատապարտելով, հայտարարում են, թե դեմոկրատների նպատակը Թրամփին պաշտոնից ամեն գնով հեռացնելն է:
Իսկ երբ Յովանովիչը հանդես էր գալիս վկայություններով, Ադամ Շիֆը մի պահ ընդհատեց նրան ու ընթերցեց հենց լսումների ժամանակ Թրամփի կողմից կատարված թվիթերյան գրառումն այն մասին, որ ‘’Ուր որ Մարիե Յովանովիչը գնացել է, գործերը տապալել է’’:
Այլ հաղորդագրությունների համաձայն, ԱՄՆ-ի դատախազները հետաքննություն են սկսել ընդդեմ Ռուդի Ջուլիանիի կապված ֆինանսական խախտումների հետ:
Դեմոկրատները հույս ունեն, որ լսումները հեռուստատեսությամբ հեռարձակելու հանգամանքը կարող է մեծացնել իրենց կողմից հարուցված գործի նկատմամբ հասարակական աջակցությունը: Այս մասին է ասում քաղաքական վերլուծաբան Սյուզըն Լո Բլոչը: Իսկ վերջին հասարակական հարցումները ցույց են տալիս, որ երկիրը մեծապես բաժանված է այս հարցում:
Վերլուծաբան Ռամեշ Փոնուրուի խոսքերով, այդ գործընթացը դեռեւս հստակեցնում է կուսակցությունների նկատմամբ առկա աջակցությունը, իսկ իմփիչմենթի ամբողջ արդյունքը կերեւա եկող նախագահական ընտրտություններում:
‘’Եթե դեմոկրատներն ուզում են այս գործընթացը տանել մինչեւ վերջ, պիտի կարողանան ապահովել երկկուսակցական աջակցություն’’, ասում է վերլուծաբաններից Ջոն Ֆորթիերը: ‘’Որեւէ նախագահի պաշտոնից ազատելու համար, հարկավոր է, որ երկու կուսակցություններում էլ ճնշող մեծամասնությունն աջակցի իմփիչմենթին: Այդ պատճառով է, որ դեմոկրատներն այսօր ուզում են ստանալ հասարակության ավելի մեծ մասի աջակցությունը, որպեսզի այն փոխանցվի իրենց ընտրած կոնգրեսականներին:
Հիշենք, որ Ռիչարդ Նիքսոնը հրաժարվեց պաշտոնից 1974 թվականին, մինչեւ իմփիչմենթի ենթարկվելը, քանի որ ակնհայտ էր հասարակական կարծիքի մեծ տեղաշարժ դեպի իրեն պաշտոնանկ անողների կողմը: Բիլ Քլինթոնին Սենատը չկարողացավ ենթարկել իմփիչմենթի, քանի որ հասարակության մեծ մասը մերժում էր պաշտոնից նրան ազատելու հանրապետականների ջանքերը:
Նմանատիպ նյութեր
2367 դիտում
22:17 31-10-2019
Սկսվել է ԱՄՆ-ի նախագահ Դոնալդ Թրամփի իմփիչմենթի գործընթացը. Ներկայացուցիչների պալատն ընդունել է բանաձևը
2277 դիտում
13:29 11-11-2016
Ելիսեյան պալատ է ուղարկվել նախագահ Ֆրանսուա Օլանդի իմփիչմենթի բանաձևը
3757 դիտում
16:18 15-12-2016
Ֆիլիպինների նախագահի՝ սպանություններ կատարելու մասին խոստովանությունները կարող են իմփիչմենթի հանգեցնել
Այս բաժնից
535 դիտում
21:23 23-04-2024
Շատ մեծ վտանգներ կան. Սերժ Սարգսյանը՝ Տավուշի սահմանազատման մասին
430 դիտում
21:11 23-04-2024
ՄԻՊ-ը տեսակցել է Դավիթ Տոնոյանին
700 դիտում
20:58 23-04-2024
Ոստիկաններն ուժով փորձում են բացել Բագրատաշենի անցակետի տանող ճանապարհն ու ցրել ցույցը․ aravot.am