News
Լրահոս
News
Հինգշաբթի
Մարտ 28
Տեսնել լրահոսը

Հունիսին դինամիկայի դանդաղումից հետո հուլիսին Հայաստանի արդյունաբերությունը նորից ցույց է տվել արտադրանքի ֆիզիկական ծավալի աճի երկնիշ ցուցանիշ՝ 14․3 տոկոս տարեկան կտրվածքով։

Հունվար- հունիս ժամանակահատվածի համար ավելի մանրակրկիտ տվյալներով՝ տեմպի բարձր ցուցանիշն ապահովել է վերամշակող արդյունաբերությունը։ Հենց դա է տարբերությունը ոչ հեռավոր անցյալից, երբ հայրենական արդյունաբերության «լոկոմոտիվը» մետաղների արդյունահանման ոլորտն էր։

Եվ այսպես, 2015-ին մետաղական ապարների արդյունահանման ֆիզիկական ծավալը տարեկան կտրվածքով աճել է մեկուկես անգամ։ Այդ նույն թվականին վերամշակող արդյունաբերությունում անկում է գրանցվել՝ մոտ 5․6 տոկոսով։ Սակայն, մետաղական ապարների արդյունահանման մեջ տեղի ուենցած թռիչքի շնորհիվ արդյունաբերության ընդհանուր ցուցանիշը «պլյուսով» է եղել՝ 5․2 տոկոսի աճ։

Հասկանալի է, որ նման ընդհանուր «աճը» քողարկում էր իրական վիճակը վերամշակող արդյունաբերության ոլորտում։ Այն ժամանակ ոլորտում բացասական միտումը մասամբ կապակցվեց Ռուսաստանում հայկական կոնյակի իրացման խնդիրների հետ։ Այս տարի իրավիճակը շտկվել է՝ հունվար- հունիս ամիսներին ըմպելիքների արտադրությունն արտադրանքի ֆիզիկական ծավալի աճի երկնիշ տեմպ է գրանցել։ Օրինակ կոնյակի արտադրանքն աճել է 1․6 անգամ։

Գյուղատնտեսության համախառն արտադրանքի ծավալը հուլիսին կրճատվել է տարեկան կտրվածքով 4․3 տոկոսով։ Հուլիսին նախորդող ժամանակահատվածի՝ հունվար- հունիս ամիսների տվյալներով, անկում է եղել բուսաբուծության մեջ՝ 6․5 տոկոսով։ Բանն այն է, որ ավելի քան կիսով չափ՝ 53․2 տոկոսով կրճատվել է հատիկավորների բերքը, եւ մեկ քառորդով՝ 25․7 տոկոսով՝ կարտոֆիլի բերքը։

Իսկ բանջարեղենի ու մրգերի մասով աճ է գրանցվել ՝ համապատասխանաբար 5․9 ու 7․9 տոկոսով, որը թույլ է տվել ավելացնել դրանց արտահանման ծավալը։ Եվ այսպես, գյուղնախի տվյալներով, հուլիսի 26-ի դրությամբ Հայաստանից արտահանվել է 65 հազար տոննա բանջարեղեն ու միրգ, այդ թվում 26 հազար տոննա ծիրան։ Մեր հանապետության համար փոքր ցուցանիշ չէ․․․

Նկատենք, որ հուլիսին, անցած տարվա դեկտեմբերի համեմատ, մրգերի գներն աճել են ուղիղ 12 տոկոսով։ Բացառված չէ, որ մրգերի զանգվածային արտահանումը, խախտելով ներքին շուկայում «պահանջարկ- առաջարկ» հարաբերակցությունը, հանգեցրել է այդ մթերքի թանկացմանը։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սյունիքի, Լոռու, Կոտայքի, Գեղարքունիքի մարզերի 33 ազդակիր բնակավայրերին կհատկացվի ռոյալթիների 2 տոկոսը. Սանոսյան
2021 թվականին մեր մետաղական հանքերը բյուջե են վճարել 52 միլիարդ դրամ ռոյալթի, հիմա սա այդ 52 միլիարդի 2 տոկոսն է, և այսպես՝ ամեն տարի: Հաջորդ...
«Էդվանստ այթի տեքնոլոջիս»-ը և «Քորասոֆթ Սոլուշնս»-ը ներառվեցին «ԷԿՈՍ» ազատ տնտեսական գոտու շահագործողների ռեեստրում
«Էկոս» ազատ տնտեսական գոտում շահագործողների գործունեությունը հնարավորություն կընձեռի ներգրավել ներդրումներ, խթանել բարձր և նորարարական տեխնոլոգիաների...
Կառավարությունը սահմանեց թեմատիկ հարկային ստուգումների մեթոդաբանությունը և ռիսկայնությունը
Կառավարությունն իր այսօրվա՝ մարտի 28-ի նիստում ընդունեց որոշում, որով...
2024-ին խմելու ջրի սակագինը չի փոխվի. Կառավարությունը կսուբսիդավորի մեկ քմ-ի դիմաց 206 դրամից 5,5 դրամը
Ըստ այդմ, 2024-ի պետական բյուջեի միջոցներից Ընկերությանը կտրամադրվի սուբսիդիա...
Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ
Նշված տարբերակներից որևէ մեկով արդեն իսկ գործող կամ ակտիվ էլեկտրոնային նույնականացման և էլեկտրոնային ստորագրության առկայության դեպքում լրացուցիչ...
ՎԶԵԲ-ը Հայաստանին կտա 92,3 մլն եվրոյի բյուջետային վարկ եւ 16 մլն եվրոյի դրամաշնորհ. Հայտնի են նպատակները
Կառավարությունն իր այսօրվա՝ մարտի 28-ի նիստում  հավանություն տվեց...
Ամենաշատ