«Արարատ»-ը և «Ալաշկերտ»-ը Հայաստանի գավաթի խաղարկության քառորդ եզրափակիչում են
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Կայացան Vbet Հայաստանի գավաթի խաղարկության 1/8 եզրափակչի պատասխան հանդիպումները:
«Արմենպրես»-ի հաղորդմամբ` «Ալաշկերտ» նվազագույն հաշվով հաղթեց «Շիրակ»-ին և դուրս եկավ գավաթի խաղարկության հաջորդ փուլ: Այս թիմերի առաջին հանդիպումն ավարտվել էր ոչ-ոքի` 0:0 հաշվով:
Երևանի «Արարատ»-ը հետագա պայքարից դուրս թողեց «Սևան»-ին` մրցակցի դարպասն ուղարկելով 3 գնդակ: «Սևան»-«Արարատ»` 1:3:
Ավելի վաղ հայտնի էր դարձել, ԲԿՄԱ-ի 4 ֆուտբոլիտների կորոնավիրուսի թեստերի դրական պատասխանները, VBET Հայաստանի գավաթի 1/8 եզրափակիչ ԲԿՄԱ-«Լոռի ՖԱ» հանդիպումը հետաձգվել է և նշանակվել է նոյեմբերի 22-ին՝ ժամը 14:30-ին:
«Փյունիկի» 7 ֆուտբոլիստների կորոնավիրուսի թեստերի դրական պատասխանների պատճառով հետաձգվել է նաև VBET Հայաստանի գավաթի 1/8 եզրափակիչ «Փյունիկ»-«Ուրարտու» հանդիպումը:
«Գանձասար-Կապան»-«Վեստ Արմենիա» հանդիպումը չի կայանա, քանի որ «Գանձասար-Կապան» թիմը դադարեցրել է իր ելույթները VBET Հայաստանի Պրեմիեր Լիգայի և VBET Հայաստանի գավաթի խաղարկություններում:
Սկսած նոյեմբերի 6-ից՝ «Նոա» թիմն իր տնային հանդիպումները կանցկացնի Ֆուտբոլի ակադեմիայի մարզադաշտում:
Բաժանորդագրվեք մեր ալիքին Telegram-ում