Պարետի սահմանած նորմերի խախտման դեպքերով դադարեցվել է 3 542 կազմակերպության գործունեությունը
19:11, 23 Հունիս 2020
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Պարետի կողմից սահմանված նորմերի խախտման դեպքերով, հունիսի 22-ի դրությամբ, կայացվել է 3 542 կազմակերպության գործունեության դադարեցման որոշում, իրականացվել է 34 271 ստուգում, որից միայն 952-ը՝ նշված օրը:
Ինչպես «Արմենպրես»-ին տեղեկացրին ՀՀ կառավարությունից, բոլոր ստուգվողներին տրամադրվել են խորհրդատվություն և խախտումների անհապաղ վերացման պարտադիր կատարման ցուցումներ։
Ստուգումներն իրականացնում են ՀՀ առողջապահական և աշխատանքի տեսչական մարմինը, ՀՀ սննդամթերքի անվտանգության տեսչական մարմինը, ՀՀ քաղաքաշինության, տեխնիկական և հրդեհային անվտանգության տեսչական մարմինը, ՀՀ կրթության տեսչական մարմինը և ՀՀ շուկայի վերահսկողության տեսչական մարմինը։
Բաժանորդագրվեք մեր ալիքին Telegram-ում