Պուգաչովան Instagram-ում ընտանեկան արխիվից լուսանկար է հրապարակել, որում պատկերված են նրա տատիկին ու պապիկը:
Ալլա Բորիսովնան բացատրել է. «Իմ տատիկը՝ Ալեքսանդրա Կոդրատևնա Օդեգովա-Բուխարինան է և պապիկը՝ Արխիպ Օդեգովը: Պապիս չեմ հիշում, նա վաղ է մահացել, իսկ տատիկս իմ կյանքի հրեշտակն է: Ես մեծացել եմ նրա ձեռքերին և հսկողության տակ»:
Երգչուհու երկրպագուները անմիջապես նկատել են նրա կրտսեր դստեր՝ Լիզա Գալկինայի և Պուգաչովայի տատիկի նմանությունը:
«Լիզան, իհարկե, շատ նման է Ալլային, բայց ավելի շատ` մեծ տատիկին»:
«Նրանք այնքան գեղեցիկ են, այնքան ներկայանալի: Սիրում եմ հին լուսանկարները, դրանց կարելի է անվերջ նայել: Եվ ձեր դուստրը այնքան նման է Ալեքսանդրային, խենթանալ կարելի է»:
Ակնհայտ է, որ հենց այսպիսի արձագանքի էր ձգտում «կինը, որը երգում է»:
