211652_close_icon
views-count8346 դիտում article-date 16:44 23-06-2022

Վանաձորում ավագանու նիստը չկայացավ. ավագանու որոշ անդամներ, եթե սիրեին Վանաձորն ու վանաձորցուն, այն կկայանար, կամ, ինչպես ասում էր Գագիկ Ջհանգիրյանը, «մարդիկ համ ուզում են հաճույք զգան, համ էլ ուզում են կույս մնան». ՖՈՏՈՌԵՊՈՐՏԱԺ

Ինչպես տեղեկանում ենք Լոռու մարզպետ Արամ Խաչատրյան տեղակալ Հովհաննես Ավետիսյանի ֆեյսբուքյան էջից, այսօր՝ հունիսի 23-ին, Վանաձոր խոշորացված համայնքի նախատեսված ավագանու նիստը չի կայացել։ 

Ներկայացնում ենք փոխմարզպետ Հ․ Ավետիսյանի  գրառումը.

Վանաձոր համայնքի սիրելի' բնակիչներ,
այսօր նախատեսված ավագանու նիստը չկայացավ քվորում չլինելու (Ասլանյան դաշինք և Հայրենիք կուսակցության ավագանիների չներկայանալու) պատճառով։ Նիստում նախատեսված էր Վանաձոր համայնքի տնտեսական և սոցիալական ենթակառուցվածքների զարգացմանն ուղղված  2,5 միլիարդ դրամ արժողությամբ սուբվենցիոն ծրագրերի հաստատում։ 

Նիստին տարատեսակ պատճառաբանություններով չներկայացած 2 խմբակցության ավագանիները փաստացի վեր դասեցին քաղաքական իրենց կեղծ օրակարգերը վանաձորցու հոգսերից։ Իրենց նեղ անձնական շահը վեր դասելով`նրանք քաղաքը զրկեցին  2,5 միլիարդ դրամից։ 

Հարգելի' վանաձորցիներ, այս ավագանիների չներկայանալու պատճառով չի իրականացվի ՆԺԴԵՀ, ՆԵՐՍԻՍՅԱՆ, ԻՍԱՀԱԿՅԱՆ, ԶԱՔԱՐՅԱՆ փողոցների հիմնանորոգումը։

Չի իրականացվելու Գուգարքում ՄԱՆԿԱՊԱՐՏԵԶԻ կառուցումը։

Չի իրականացվելու Շահումյանում 1,2,3,4,5,6 և 9 փողոցների վերակառուցումը

Չի իրականացվելու Կ․Դեմիրճյան 6, 8, 11, 19, Մոսկովյան 14, Տիգրան Մեծ 77, Թումանյան 6, Վարդանանց 23, 49 շենքերի տանիքների վերանորոգումը և բազմաթիվ այլ աշխատանքներ։ 

Բայց որքան էլ փորձեք խոչընդոտել, որքան էլ կարևոր համարեք սեփական շահը Ձեզ քվե տված բնակչի հոգսերից, մեկ է ,ձեր բոլոր ջանքերը ապարդյուն են։

Այս ծրագրերը կյանքի կկոչվեն առանց ձեզ և Վանաձոր համայնքի բնակիչները կզգան կառավարության աջակցությունը։ Շարունակեք թաքնվել կեղծ օրակարգերի և պատճառաբանությունների հետևում։ Այլևս պարզ դարձան ձեր իրական նպատակներն ու ծրագրերը»։

SHAMSHYAN.com-ը ներկայացնում է այն ավագանու անդամների տվյալները, ովքեր չեն ներկայացել նիստին։ Ինչպես կասեր մեծն Գագիկ Ջհանգիրյանը, «մարդիկ համ ուզում են հաճույք զգան, համ էլ ուզում են կույս մնան»։

ՊԱՌԱՎՅԱՆ ԿԱՐԵՆ ՎԱԼԴԵՄԱՐԻ 
ՀՈՎՀԱՆՆԻՍՅԱՆ ԱՐԵՎՀԱՏ ՄԱՐՏՈՒՆԻ 
ՕՀԱՆՅԱՆ ԱՐԹՈՒՐ ԺՈՐԺԻ 
ԲԱԴՅԱՆ ԳՈՌ ԿԱՌԼԵՆԻ 
ՔԱԼԱՆԹԱՐՅԱՆ ԳԱՅԱՆԵ ՍԵՅՐԱՆԻ 
ԴԱՎԻԹԱՎՅԱՆ ՎԱՀԱԳՆ ՖԱՐՀԱԴԻ 
ՄՈՎՍԻՍՅԱՆ ՀԱՅԿԱԶ ՎԱՂԱՐՇԱԿԻ 
ՄԱՐԳԱՐՅԱՆ ՀԱՅԿԱՆՈՒՇ ՓԱՇՈՅԻ 
ՍԱՐԳՍՅԱՆ ԱՐՄԱՆ ԳԱԳԻԿԻ 
ՂԱՄԲԱՐՅԱՆ ՍԵՅՐԱՆ ՀԱՅԿԻ
ԿԱՐԱՊԵՏՅԱՆ ԱՆԱՀԻՏ ԱՇՈՏԻ 
ՎԱՐԴԱՆՅԱՆ ԽՈՐԵՆ ՀԱՄԼԵՏԻ 
ԱՓԻՆՅԱՆ ԱՐՄԱՆ ՎԱՂԱՐՇԱԿԻ 
ՀՈՎՍԵՓՅԱՆ ՅԱՆԱ ՀԱՅԿԻ 
Հայրենիք կուսակցություն
ԴՈԽՈՅԱՆ ՎԱՀԵ ՌՈԲԵՐՏԻ 
ՀԵՔԻՄՅԱՆ ԺԱԿԼԻՆ ՏԻԳՐԱՆԻ
ԼՈՒՍԱՆԿԱՐՆԵՐ 4+
4+

Նմանատիպ նյութեր