Կառավարությունն անցած շաբաթ հավանություն տվեց Սահմանադրական դատարանի դատավորների վաղ կենսաթոշակային համակարգի ներդրման օրինագծին: Ըստ դրա՝ եթե մինչև 2020 թվականի հունվարի 31-ը Սահմանադրական դատարանի դատավորները, այդ թվում՝ ՍԴ նախագահ Հրայր Թովմասյանը, հրաժարական տան, ապա մինչև իրենց պաշտոնավարման ժամկետի լրանալը կստանան իրենց աշխատավարձի չափով կենսաթոշակ:
Նաև այս թեմայի շուրջ է «Ազատություն»-ը զրուցել Ազգային ժողովի «Իմ քայլը» խմբակցության պատգամավոր Գայանե Աբրահամյանի հետ:
Ստորև՝ հատված հարցազրույցից․
«Ազատություն»․ - «Լուսավոր Հայաստան»-ը՝ ի դեմս Էդմոն Մարուքյանի, ասում է, որ պետության վրա ավելորդ ֆինանսական բեռ է, և նույնիսկ հաշվել էին, որ մեկ միլիարդ դրամ, այսինքն՝ պատկառելի գումար, և ահա Մարուքյանն ասում է՝ այսպիսով Կառավարությունը, փոխանակ իրավական ճանապարհով լուծի այս հարցը, անցանկալի անդամներից ազատվելու համար այս փողային ճանապարհն է ընտրել:
Գայանե Աբրահամյան․ - Սա ևս իրավական ճանապարհ է, և, ի դեպ, այս իրավական ճանապարհը, ընդհանրապես՝ Դատական օրենսգրքին տրված Վենետիկի հանձնաժողովի գնահատականը բավական դրական էր, էնպես որ, ես չեմ կարծում, թե սա, ընդհանրապես, կաշառքի վերաբերյալ այդ մեղադրանքները ուղղակի ծիծաղելի են, և գումարային նաև այս հաշվումները: Որովհետև, մեծ հաշվով, այդ մարդիկ այսօր էլ ստանում են այդ գումարը, մեծ հաշվով, երբ իրենք գնան թոշակի, միևնույն է, ստանալու էին նաև այդ գումարը: Այսինքն՝ հիմա ավելի վաղ են ստանում այդ գումարը, թե 65 տարեկանից հետո, մեծ հաշվով, մեծ տարբերություն գրեթե չկա:
Բայց սա նաև այն իրավական ճիշտ հանգուցալուծումն է, երբ որ․․․
«Ազատություն...
