Սոչիում երեկ ավարտվել է «Նոր ալիք 2021» մրցույթը, որում Հայաստանը ներկայացնող Սարո Գեւորգյանը երեք օրվա հիանալի ելույթների արդյունքում դարձավ բացարձակ հաղթող: Սոչի մեկնելուց առաջ երգիչը BRAVO.am-ին պատմել էր, որ իր համար այս մասնակցությունը պատասխանատու է, «Նոր ալիքն» անկանխատեսելի մրցույթ է, ամեն պահի կարող է մի բան փոխվել, բայց ինքը տրամադրված է լավ ելույթի:
Երիտասարդ երգիչը մրցույթի առաջատարն էր առաջին իսկ օրվանից: Մրցույթի մեկնարկային օրը ներկայացրել է Բեյոնսեի «Listen» երգը եւ ժյուրիի բոլոր անդամների կողմից արժանացել տասական միավորի՝ 90 միավորով դառնալով առաջատար:
Երկրորդ օրը կատարել է Արամ MP3-ի «Կուզեսը» եւ 89 միավոր ստացել։ Մրցույթի վերջին՝ երրորդ ու որոշիչ օրը Սարոն ներկայացել է հատուկ իր համար գրված երգով, որը հեղինակել է Դավիթ Բադալյանը...