Ընթացիկ շաբաթվա վերջին երեք օրերին կանցկացվի Yerevan-Book Fest փառատոնը, որի նպատակն է աջակցել ժամանակակից հայ գրողին և հանրահռչակել ժամանակակից հայ գրականությունը:
Փառատոնը մեկնարկեց այսօր «Միրզոյան» գրադարանում, որտեղ փառատոնի կազմակերպիչները գրքահավաք էին կազմակերպել ի նպաստ Բաղանիս գյուղի դպրոցական գրադարանի:
«Ազատության» հետ զրույցում փառատոնի կազմակերպիչ «Միհր» ստեղծագործական միության նախագահ Շողակաթ Մլքե-Գալստյանն ասաց․ - «Մեր կազմակերպությունը միշտ փորձում է բարձրացնել տարբեր հարցեր․․․ Կարող ենք ասել, որ Երևանը բավականին կարդացող քաղաք է, և այս փառատոնը միտված է նրան, որ բոլոր էն մարդիկ, ովքեր անտարբեր չեն գրքի նկատմամբ՝ հրատարակիչը, գրողը, ընթերցողը, հավաքվենք մեկ տեղում, և լինի մեզ համար տոն»:
Գրքի, գիր ու գրականության հետ կապված տարբեր տոներին, ասենք՝ Թարգմանչաց տոնին կամ Գիրք նվիրելու օրվան կամ Գրքախառնությանը, ահա ավելանում է ևս մեկ տոն, որը նույնպես ուշագրավ գործնական նպատակ ունի նաև: Մինչև փառատոնի բացումը արդեն իսկ մրցույթ է հայտարարվել , որին 132 հայտ է ներկայացվել մեր գրողների կողմից, և ահա հենց փառատոնի օրերին կհայտարարվեն նաև մրցույթի արդյունքները և պարզ կդառնան հաղթողների անունները: Հաղթողների մինչև այժմ անտիպ գործերը կհրատարակվեն պետական ֆինանսավորմամբ։
Մշակույթի փոխնախարար Ներսես Տեր-Վարդանյանը «Ազատության» հետ զրույցում այսօր շեշտեց․ - «Առաջին տեղի պարագայում՝ 500 հազար դրամի, երկրորդ տեղի պարագայում՝ 300 հազար դրամի չափով: Սա վաղուց հասունացած ծրագիր է, որի կարիքը Երևանը ունի․ միջավայր ստեղծել, որտեղ կհանդիպեն հրատարակիչները, գրողները և ընթերցողները՝ ամենաառանցքային դերակատարները գրահրատարակչական ոլորտի: Միջավայրը, որը ուղղված կլինի նրանցից յուրաքանչյու...