Կենտրոնական բանկի ներկայացրած նոր թղթադրամի էսքիզները բուռն քննարկում են առաջ բերել՝ թե՛ դրանց վրա պատկերված հայ նշանավոր գործիչների ընտրության և թե՛ արտաքին տեսքի հետ կապված:
Կենտրոնական բանկի գլխավոր քարտուղար Դավիթ Նահապետյանն ասում է, որ մրցույթի 17 մասնակիցներից ընտրել են երեքին, ովքեր միասնական տարբերակ են ներկայացրել:
Նահապետյանի խոսքով՝ իրենք քննադատությանը տեղյակ են, սակայն չեն ընդունում․ - «Կա մասնագիտական քննադատություն և ոչ մասնագիտական քննադատություն: Մենք հարգում ենք, իհարկե, քննադատությունը, բայց չենք կարող ընդունել, որովհետև մենք գործ ունենք թղթադրամի հետ: Ոչ թե ինչ-որ գեղարվեստական պատկերի մասին է խոսքը, այլ թղթադրամի, որն ունենալու է, բացի ամեն հատկանիշից, պաշտպանական հատկանիշներ՝ ջրանիշ, այլ, որոնք, ի դեպ, մենք ներկայացրել են համապատասախան բուկլետներում, և թղթադրամի վերջնական տեսքը պայմանավորված է նաև այդ պահանջներով: Իսկ դիզայնի հետ կապված ես մանրամասն ներկայացրեցի, որ այն, ինչ որ մենք ցուցադրել ենք երեկ, և այն, ինչ որ մենք այսօր տեսանք՝ էսքիզները, և այն, ինչ որ քննարկում է մեր հանրությունն այսօր․․․ վերջնական տեսքը թղթադրամի էապես տարբերվելու է»:
Տնտեսագետ Արտակ մանուկյանը նկատում է, որ 2018 թվականը տնտեսության առումով բավական լարված տարի է լինելու, կանխատեսվում է գնաճ՝ մաքսատուրքերի փոփոխության պատճառով: Սկսելու է գործել նաև նոր Հարկային օրնեսգիրքը, և նոր թղթադրեմների ներմուծումը հնարավոր է՝ զուգակցվի որոշ առումով ինֆլիացիոն երեւույթներով․ - «Հասկանալի է, որ նման կա...