Ավելի քան 5 տարի անազատության մեջ գտնվող քաղաքացիական ակտիվիստ Շանթ Հարությունյանը հաղորդում չի տվել ոստիկանությանը նախկին փոխոստիկանապետ, օրեր առաջ Սյունիքի մարզպետ նշանակված Հունան Պողոսյանի դեմ՝ իրեն ծեծելու, ընտանիքի անդամներին սպառնալու և հայհոյելու վերաբերյալ:
2013 թվականին «Ազատությանը» տված հարցազրույցի ժամանակ այդ միջադեպի մասին պատմել էր այն ժամանակ Ազգային ժողովի պատգամավոր, այժմ ՀՀ վարչապետի պաշտոնակատար Նիկոլ Փաշինյանը: Սյունիքի մարզպետի պաշտոնում Հունան Պողոսյանի աղմկահարույց նշանակումից հետո բողոքի ալիք բարձրացավ, երեկ էլ Փաշինյանն ասել էր, եթե կլինի փաստ, որ Հունան Պողոսյանի նշանակումով սխալ են գործել, պատրաստ են ընդունել: Այսօր մեր հարցին, թե արդյո՞ք վերոհիշյալ միջադեպը հիմք չէ տեսակետը վերանայելու, վարչապետի պաշտոնակատարը պատասխանեց․ - «Գիտեք խնդիրն այն է, որ Շանթ Հարությունյանը ցուցմունքներ չի տվել այդ կապակցությամբ, և ես կարծում եմ, որ լավ առիթ է, որ նոր քննություն տեղի ունենա և հույս ունեմ Շանթ Հարությունյանն էլ կհամագործակցի, որ մենք պարզենք, թե ինչ է իրականում տեղի ունեցել: Ընդհանուր առմամբ էս ամեն ինչի պետք է նայել ավելի լայն քաղաքական կոնտեքստում: Այսօր արդեն այդ թեմայով ես խոսել եմ, անկեղծ ասած, իրավապահ մարմինների ներկայացուցիչների ներկայացուցիչների հետ և ասել, որ անհրաժեշտություն կա այդ իրավիճակը նորից քննու...