Մինչև սահմանադրական հանրաքվե անցկացնելու որոշումը Վենետիկի հանձնաժողով չուղարկելու հարցին անդրադառնալը` Վենետիկի հանձնաժողովը պետք է պատասխանի որոշ հարցերի. Նիկոլ Փաշինյան (տեսանյութ)

Ես և իմ քաղաքական թիմն ուզում ենք ստեղծել անկախ դատական համակարգ, որի որոշումներն էլ ծանրութեթև չանեն: Այս մասին Հանրային հեռուստատեսության եթերում հայտարարեց ՀՀ վարչապետ Նիկոլ Փաշինյանը՝ անդրադառնալով առաջիկա սահմանադրական փոփոխությունների հանրաքվեին:

«Հեղափոխությունից հետո չի եղել ու չի լինելու այնպես, որ ընտրությունները բերեն ցնցումների: Հանրաքվեի ինստիտուտը պետք է ուժեղացվի», – ասաց նա:

Դիտարկմանը, թե ընդդիմադիրներն ասում են, որ այս Սահմանադրական դատարանն իրենց թիմից չի, էլ ի՞նչ են ուզում՝ Փաշինյանն ասաց, որ իրենք ուզում են անկախ դատական համակարգ, այլ ոչ թե իրենցից չկախված դատական համակարգ, բայց որը կախված է նախկին կոռուպցիոն համակարգից:

Հարցին, եթե վստահ են իրենց թեզի և ճշմարտության մեջ, ինչո՞ւ նախագիծը չեն ուղարկում Վենետիկի հանձնաժողով՝ վարչապետն ասաց, որ Գերմանիա կատարած վերջին այցի ընթացքում այս իրավիճակի վերաբերյալ քննարկումներ է ունեցել բազմաթիվ գործընկերների հետ: «Կարող եմ ասել, նրանք զարմացած են, որ ՀՀ-ում այս տրանսֆո...