Ինչպես Ֆրանսիայի Լիլ քաղաքից Ժակլին Բաղդասարյանը «Վայ, աման» երգով գերեց հայ հանդիսատեսի սրտերը, արդեն պատմել ենք: «ԼադաՆիվա» խումբն այժմ էլ նորովի ներկայացրել է «Զեփյուռի նման» երգը: Կարանտինի պայմաններում նկարահանված հոլովակի, 24-րդ տարեդարձի եւ հետաձգված ուղեւորության մասին երգչուհին պատմել է BRAVO.am-ին:«Նախկինում համերգների ժամանակ «Զեփյուռի նմանը» երգում էինք, բայց չէինք ձայնագրել: Քանի որ հիմա մեկուսացել ենք եւ ազատ շատ ժամանակ ունենք, որոշեցինք ձայնագրել եւ հոլովակ նկարահանել: Ամեն ինչ արել ենք տանը: Շատերը գրում են, որ հոլովակը զուգարանում ենք նկարահանել, բայց այդպես չէ (ծիծաղում է,-հեղ.): Լքված տարածք է, մեր տան կողքին է գտնվում, եւ քանի որ հնարավորություն չկար այլ տեղ գնալու, հենց այդտեղ էլ նկարեցինք»,-ասել է նա:
Ժակլինն ուրախ է, որ իրենց դրական տրամադրությունը կարողացել են փոխանցել մարդկանց.«Լուին ինձ է նկարել, ես՝ իրեն: Հետո միասին մոնտաժ ենք արել: Շատ հաճելի է կարդալ դրական մեկնաբանությունները»:
Պարզվում է՝ այս օրերին խումբը պետք է լիներ Հայաստանում.«Հրավեր էինք ստացել՝ երգելու Քաղաքացու օրվան նվիրված համերգին: Ցավոք, համաճարակի պատճառով ամեն ինչ չեղարկվեց: Նոր երգեր կան, որոնք ուզում ենք ավելի պրոֆեսիոնալ մա...