Ամեն տարի Արամ Խաչատրյանի ծննդյան օրը՝ հունիսի 6-ին մեկնարկում է մեր մշակութային կյանքի ամենանշանակալի իրադարձություններից մեկը՝ Արամ Խաչատրյանի անվան երաժշտական միջազգային մրցույթը, որն արդեն 16-րդ անգամ կանցկացվի այս տարի, բայց ոչ սովորական ձևաչափով: Մրցույթի կազմակերպիչները մեծ աշխատանք են կատարել մրցույթը չհետաձգելու և առցանց անցկացնելու համար:
Մրցույթի մամլո պատասխանատու Սարգիս Նալղռանյանի խոսքով՝ այս տարի կմրցեն մինչև 30 տարեկան ջութակահարները: Մրցույթն, ինչպես միշտ, կանցկացվի երեք փուլով և մեկ շաբաթյա պայքարից հետո, ինչպես ամեն տարի, մրցույթը կեզրափակվի գալա համերգով՝ այս անգամ, իհարկե, առցանց: Ինչպես ընդգծեց Սարգիս Նալղռանյանը «Ազատության» հետ զրույցի ընթացքում, բացառիկ է նման միջազգային մրցույթն առցանց կազմակ...