Հայաստանում «թավշյա հեղափոխության» օրերին, երբ փողոցում չէինք, համացանցում էինք, հետևում էինք, թե հեղափոխությանը զուգահեռ ինչպիսի արտիստական շարժումներ էին ձևավորվում: Լրագրողների հետ զրույցում այսպես ասաց Հայաստանի գեղարվեստի պետական ակադեմիայի ուսանող Մերի Ղազարյանը՝ խոսելով իր նախաձեռնությամբ կազմակերված «Թավշյա հեղափոխություն. պատկերի և իրականության միջև» վերտառությամբ ցուցահանդեսի մտահղացման մասին:
«Փորձել ենք ֆիքսել արտիստական շարժումների ձևավորման փաստը, և ներկայացնել պատկերները, որոնք ճանաչելի են մեզ համար, սակայն նրանց հեղինակները հանգամանքների բերումով մնացել են ստվերում: Այսինքն՝ կար ավելի մեծ իրադարձություն և դրա արդյունքում հեղինակները ստվերում էին հայտնվել»,- ասաց նա՝ նշելով, որ ցուցադրությանը ներկայացված են ամենահայտնի լրատվամիջոցների արած լուսանկարներից:
Լուսանկարներից զատ, ցուցադրությանը ներկայացված էին նաև հեղափոխության իրեր, ինչպես, օրինակ՝ 10 տարեկան Լիայի կոշիկները, Դավիթ Պետրոսյանի բարձրախոսը և այլն:
«Այն ուսանողության իրերից են, որոնք ակտիվ ներգրավված...
