«Կլինի դեպքերի կտրուկ բարձրացում, և դա տեղի կունենա կարճ ժամանակում: Հաշվի առնելով, որ նոր դեպքերի աճով պայմանավորված հիվանդանոցային բուժման կարիք ունեցողների թիվը նույնպես ավելանալու է, հետևաբար դա մեծ բեռ կլինի առողջապահական համակարգի համար»,-ասաց Նարինե Սարգսյանցը:
Մասնագետի խոսքով, օմիկրոնի հետ կապված նշվում է հիմնականում մի քանի ախտանիշ՝ գերարտահայտված թուլություն, կոկորդում՝ ցավ, հարբուխ, գլխացավեր և այլն: Կան ախտանիշներ, որոնք կարող են երկար պահպանվել, մինչև երեք ամիս, մասնավորապես, թուլությունը, հազը:
Հայաստանում ներկայում տարածված են նաև գրիպի տեսակները, որոնց ախտանշաները նման են օմիկրոնի ախտանշաններին: ՀՀ առողջապահության նախարարության ընտանեկան բժշկության գծով խորհրդատու Սամվել Հայրումյանը նշեց, որ կա մտավախություն դրանք շփոթելու տեսանկյունից: Չի բացառվում, որ շատերը մտածեն իրենց մոտ գրիպ է, սակայն իրականում կորոնավիրուսի օմիկրոն շտամը լինի:
«Անհրաժեշտ է դիմել բժշկին, թեստավորվել, լինել հսկողության տակ: Վերջին շաբաթներին մենք քիչ ունեինք կորոնավիրուսով հիվանդներ, սակայն հիմա արդեն իրավիճակն այլ է, նկատվում է հիվանդացության աճ: Օմիկրոնն ավելի մեծ վարակելիություն ունի, նաև երեխաներն են ավելի հաճախ վարակվում: Իհարկե, նշվում է, որ հիմնականում վերին շնչուղիներն են ախտահարվում, թոքաբորբերի թիվը քիչ է լինում, սակայն ոչինչ բացառել հնարավոր չէ»,-ասաց Սամվել Հայրումյանը: Նրա խոսքով, այն երկրները, որոնք ունեն պ...