2018 թվականի մարտի 15-ին, ՀՀ Քննչական կոմիտեի Արարատի մարզային քննչական վարչությունում հարուցվել էր քրեական գործ՝ լրագրողի մասնագիտական գործունեությանը խոչընդոտելու դեպքի առթիվ։
2018 թվականի մարտի 15-ին Արարատի մարզային քննչական վարչությունում դատախազությունից ստացվել է «Fnews.am» տեղեկատվական հարթակում հրապարակված հոդվածն առ այն, որ լրագրող Գայանե Զարգարյանն Արարատի մարզի Կանաչուտ գյուղում նկարահանումներ իրականացնելիս ենթարկվել է հետապնդման։ Նույն օրը ձեռնարկվել են անհրաժեշտ քայլեր՝ հոդվածում մատնանշված հանգամանքներն ստուգելու ուղղությամբ, լրագրողը հրավիրվել է քննչական վարչություն։ Նյութերի նախապատրաստման ընթացքում լրագրողը պնդել է հոդվածում նշված հանգամանքները և հայտնել, որ Կանաչուտ համայնքում գտնվող՝ ՀՀ նախկին ոստիկանապետ, ներկայումս ԱԺ պատգամավոր Ա.Սարգսյանին պատկանող տունը նկարահանելիս խոչընդոտվել է իր մասնագիտական գործունեությունը։ Նկատի ունենալով, որ նյութերում առերևույթ առկա են ՀՀ քրեական օրենսգրքի 164-րդ հոդվածի 1-ին մասով նախատեսված հանցագործության հատկանիշներ՝ մարտի 16-ին Արարատի մարզային քննչական վարչությունում հարուցվել է քրեական գործ։ ՀՀ ՔԿ նախագահի հանձնարարությամբ՝ քրեական գործով նախաքննությունը շարունակվում է ՀՀ ՔԿ ՀԿԳ քննության գլխավոր վարչությունում։ Կատարվում են անհրաժեշտ քննչական եւ դատավարական այլ գործողություններ՝ դեպքի բոլոր հանգամանքների բազմակողմանի, օբյեկտիվ և լրիվ հետազոտումն ապահովելու ուղղությամբ, քննության առարկա դարձվել միջադեպին առնչվող տեսագրությունները։
Պարզելու համար, թե այս պահի դրությամբ, ի՞նչ տեղաշարժ կա մարտի 15-ին տեղի ունեցած միջադեպի հետ կապված, Henaran.am-ի թղթակիցը մեկնաբանություն խնդրեց ՀՀ Քննչական Կոմիտեի մամուլի խոսնակ Սոնա Տռուզյանից, ով մեզ հետ զրույցում ասաց.
«Մենք արդեն հայտարարություն ենք տարածել` գործը գտնվում է նախաքննության փուլում: Մանրամասների մասին տեղեկատվություն կտրվի ավելի ուշ: Այս պահին ավելին ասել չեմ կարող»,-նշեց Սոնա Տռուզյանը:
Մենք փորձեցինք ստանալ նաեւ Fnews.am էլ օրաթերթի հիմնադիր, լրագրող Գայանե Զարգարյանի մեկնաբանությունը, ով մեզ հետ զրույցում ասաց.
«Հավանաբար տեղյակ եք, որ ՀՀ քրեական օրենսգրքի 164-րդ հոդվածի 1-ին մասով, մարտի 16-ին Արարատի մարզային քննչական վարչությունում հարուցվել է քրեական գործ: Իսկ այս պահին գործը դեռ նախաքննության փուլում է, եւ նախաքննության գաղտնիությունից ելնելով մանրամասներ հայտնել չեմ կարող»,-նկատեց Գայանե Զարգարյանը:
Հարցին` հավանաբար տեղյակ եք, որ ՀՀ քրեական օրենսգրքի 164-րդ հոդվածի 1-ին մասով, մարտի 16-ին Արարատի մարզային քննչական վարչությունում հարուցվել է քրեական գործ ու գործում առկա ինչ մանրամասներ կցանկանայիք հրապարակել, հնչեց հեևյալ պատասխանը/
«Այս պահին, դեռ վաղ է, որեւէ գնահատական հնչեցնել, քանի որ նախաքննության ավարտից հետո միայն, կարող է հստակ կարծիք հայտնել, թե ինչքանով է օբյեկտիվ եւ անաչառ քննություն իրականացվել»:
Նշենք, որ լրագրող Գայանե Զարգարյանը, սույն քրեական գ...