Վերջին օրերին հասարակության շրջանում և օնլայն տիրույթում ամենաքննարկվող բաներից մեկը մայրաքաղաքում իրականացվող ծառահատումներն են, որոնց մի մասը փոխարինվելու են սակուրա տեսակի ծառերով:
Երևանի քաղաքապետարանի «Կանաչապատման և շրջակա միջավայրի պահպանության» ՀՈԱԿ-ի տնօրեն Արմեն Բեգոյանի խոսքով՝ պատճառներից մեկն այն է, որ լրատվամիջոցներում հատուկ՝ ուղղորդված մարդիկ խեղաթյուրում են իրականությունը. «Նշում են, որ հարյուր քանի միլոն տվել ձեռք են բերել 100 հատ սակուրա: Շատ կարևոր է, որ այդ հարյուր քանի միլիոնը տվել ենք 2500 ծառ ձեռք բերելու համար, որոնց մատակարարումները դեռ չի ավարտվել: Դրանցից ընդամենը 150 են սակուրա՝ նախատեսված Մոսկովյան փողոցի, օղակձև այգու և տարբեր պուրակների համար:
«Կանաչապատման և շրջակա միջավայրի պահպանության» ՀՈԱԿ-ի տնօրենը նաև մանրամասնում է, թե ինչու Սակուրա ու հենց Մոսկովյան փողոցում:
«Ճարտարապետների և դիզայներների տեղադիտման և չափումների արդյունքում պարզվեց, որ փողոցի լայնությունը ծառի բնաբաժակից մինչև շենքի պատը կազմում է մետրից, 1.20 սանտիմետր, ուստի հանձնաժողովն անմիջապես որոշեց, այդտեղ կա՛մ պետք է տնկվի համեմատաբար փոքր սաղարթով ծառ, կա՛մ ընդհանրապես չտնկվի:
Այդ ծառերի երկու թեկնածություն առաջարկվեց, մեկը սակուրաները, մյուսը՝ գնդաձև կատալպաները: Եվ քանի որ մոսկովյան փողոցի մի մասը՝ Սարյան գնացող հատվածը արդեն իսկ պատված է սակուրաներով և քանի որ մենք ուզում ենք գրագետ կանաչապատում իրականացնել, ապա որոշումը դեպի սակուրա հանգեցրեց»,- նշում է Բեգոյանն ու հավելում, որ ըստ դիզայներների և ճարտարապետների բերած երրորդ փաստարկի, սակուրան վարդագույն ծաղիկներ ունի և տեղին կլինի վարդագույն քաղաքը նախագծող ճարտարապետի արձանի դիմացի փողոցը պատված լինի ծառերով, որոնք ծաղկման շրջանում գեղեցիկ վարդագույն տեսք կհաղորդեն այդ հատվածին:
Բեգոյանը նաև շեշտում է, որ այդտեղ ավելի մեծ սաղարթով ծառեր տնկելը անգրագիտություն է, քանի որ մեծ սաղարթով ծառն ունի ավելի հզոր արմատային համակարգ և շենքից մեկ մետր հեռավորության վրա տեղադրելու դեպքում այդ ճարտարապետական մեծ նշանակություն ունեցող շենքերի հիմքերը մի քանի տարուց կքանդվեն:
«Կանաչապատման և շրջակա միջ...