Գործադիրը այսօր հաստատեց նոր կորոնավիրուսի տարածմամբ պայմանավորված հակաճգնաժամային գործողությունների հինգ փաթեթ և գործողությունների մեկ ծրագիր:
Վարչապետ Նիկոլ Փաշինյանը հստացրեց, որ նպատակը ոչ թե գոյապայքարն է, այլ զարգացումը. – «Մենք այս ծրագրով ուզում ենք ոչ միայն աջակցել մեր տնտեսության մրցունակ հատվածին և աջակցել սոցիալական առաջին հարվածը ստացած և հարվածներ ստացած մեր խավերին, այլև շատ կարևոր է, որ այս փաթեթի խորքային նպատակը մեր տնտեսությանը, հանրությանը, մեր քաղաքացիներին ետկորոնավիրուսային ժամանակաշրջանում մրցունակ տնտեսություն և մրցունակ գործունեություն կառուցելու նախապատրաստելը և տրամադրելն է: Էս օրակարգը ոչ մի պարագայում, զարգացման որևէ սցենարի դեպքում մենք չպետք ա մոռանանք: Մենք ավանդական գոյատևման տրամաբանությունից պետք է տեղափոխվենք զարգացման, ուժեղացման, մեր երկրի մրցունակության բարձրացման տրամաբանություն: Եվ էս օրակարգը չպետք ա կորցնենք նույնիսկ ամենաօրհասական պահերին»:
Շահառուների ընդգրկման առումով ամենալայն գործիքակազմը ունի առաջին միջոցառումը։ Այն ենթադրում է մինչև 500 մլն դրամի աջակցություն վերջին մեկ տարվա ընթացքում Հայաստանում գործող բոլոր իրավաբանական անձանց և անհատ ձեռներեցների համար` անկախ գործունեության ոլորտից։ Նախապայմանը լավ վարկային պատմությունն է: Բացառություններ են միայն ֆինասնական կազմակերպությունները և վարչապետի վերջին խմբագրմամբ` նաև խաղատները:
«Այս եղանակով տրված ֆինանսական աջակցությունը կարող է օգտագործվել, եթե, առաջին, կազմակերպությունը այդ միջոցները վերցնում է, որպեսզի վճարի աշխատակիցներին աշխատավարձ երեք ամիս...
