Շաբաթը մեկ քաղաքապետարան նամակ ենք գրում եւ կարծես անապատում էինք. Հեքեքյանը մեղադրանքներ ներկայացրեց

Արամի 23 պատմական հուշարձան շենքի պատի մասին «Փոքրիկ երգիչներ» երգչախմբի գեղարվեստական ղեկավար եւ դիրիժոր Տիգրան Հեքեքյանը բազմիցս ահազանգել է քաղաքապետարանին, սակայն ոչ մի գործողություն չի ձեռնարկվել։ Այս մասին այսօր՝ հունվարի 12-ին, լրագրողների հետ զրույցում ասաց Հեքեքյանը՝ Արամի 23 հասցեում անցկացվող բողոքի ակցիայի ժամանակ։ «Ոչինչ չի արվում։ Այսինքն՝ ստացվում է, որ կամ անարգում եք, չեք կատարում վարչապետի հրամանը, կամ մնացածը թատրոն էր։ Մեզ այնպիսի պատասխաններ էին ուղարկում, որ մեզ թվում էր կամ հայերեն լավ չգիտեին, կամ մտավոր խնդիր ունեին, մենք մի հարց էինք տալիս, մեզ ուրիշ պատասխան էին տալիս։ Ոչինչ չէին անում, որ շենքը քանդվի, դա բացահայտ երեւում էր, քանի որ ճարտարապետներ էին գալիւս, ցուցումներ էին տալիս, բայց մեկ օր հետո զանգում էին, ասում էին՝ երեւի չաննեք։ Այսինքն՝ իրեբնք թիրախային բոլորին մեկուսացնում էին, որ ոչ ոք մոտ չգա էս շենքին, բայց վարչապետի այցից հետո պարոն Էլոյանը եկավ եւ խնդրին լուծում առաջարկեց, որը մենք շատ հավանեցինք։ Նա ասաց, որ 3 օր է պետք, որ այդ լուծումը նախագիծ դառնա եւ սկսենք ու դա նոյեմբերի 27–ն էր, դե հաշվեք քանի 3 օր է անցել։ Մենք շաբաթը մեկ քաղաքապետարան նամակ ենք գրում եւ նման է, որ մենք անապատում ենք»,– ասաց Հեքեքյանը։ Տիգրան Հեքեքյանը նշեց, որ դիմելու են դատարան այս հարցով, քանի որ կարծում են՝ նպատակաուղղված որշչինչ չեն ձեռնարկել, որ շենքի պատը փլվի։ «Պարոն Սերմաքեշը ասում են շատ հայրենասեր մարդ է, իր հայրենասիրությունը երեւաց , նրանք քանդում են պատմական հուշարձանը եւ հասցրել են նրան, որ մեր երգչախումբը 4-5 ամիս է չի գործում»,– ասաց նա։ Հիշեցնենք, որ «Հին Երեւան» ծր...