Ղրղըզստանի նախկին նախագահ Ալմազբեկ Ատամբաևին նոր, ավելի ծանր մեղադրանքներ առաջադրվեցին: Այդ մասին այօրվա համատեղ ասուլիսում հայտնել են Ղրղըզստանի ուժային կառույցների ղեկավարները, նաև մանրամասներ ներկայացնելով օգոստոսի 7-8-ը տեղի ունեցած իրադարձություններից, երբ Ատամբաևին ձերբակալելու փորձի ժամանակ մեկ ոստիկան էր զոհվել ու 170 մարդ վիրավորվել:
Գլխավոր դատախազ Օտկուրբեկ Ջամշիտովն ասել է՝ մի քանի քրեական գործ է հարուցել, իսկ Ատամբաևին այսօր մեղադրանք է ներկայացվել անկարգություններ կազմակերպելու, անօրինական զենքի, հետաքննությանը խոչընդոտելու, սպանության և սպանության փորձի համար:
Նա նաև հայտնել է, որ Ատամբաևի մի շարք աջակիցների ևս տարբեր մեղադրանքներ են առաջադրվել, դատարանի որոշմամբ նրանք 2 ամսով կալանավորվել են:
Ազգային անվտանգության պետական կոմիտեի ղեկվար Օրոզբեկ Օպումբաևի խոսքերով՝ Ատամբաևը արյունահեղություն էր ցանկանում: «Նրա մտադրությունը պետական հեղաշրջումն էր», - ասել է Օպումբաևը:
Ղրղըզստանի նախկին նախագահ Ալմազբեկ Ատամբաևին սկզբում կոռուպցիոն մեղադրանքներ էր առաջադրվել, ինչպես նաև իր նախագահության շարջանում ազգությամբ չեչեն քրեական հեղինակություն Ազիզ Բատուկաևին ազատելու մեջ:
Խորհրդարանը նախկին նախագահին զրկել էր անձեռնմխելիությունից, ճանապարհ բացելով հետաքննության համար, սակայն նա անտեսում էր իրավապահներին ներկայանալու ծանուցագրերը: Երեք անգամ ծանուցագիր ուղարկելուց հետո, իշխանությունները որոշեցին նրան ուժով բերման ենթարկել, բայց հանդիպեցին Ատամբաևի աջակիցնների կատաղի դիմադրությանը:
Նախկին նախագահը ապրում է Բիշքեկին մոտ գտնվող Կոյ Տաշ գյուղում կառուցված առանձնատանը: Նրա տասնյակ աջակիցներ հավաքվել էին այնտեղ ու երբ անցած շաբաթ հատուկ ջոկատայինները գնացել էին Ատամբաևին ձերբակալելո...