Վյաչեսլավ Հարությունովի գործով դատախազը չի հեռացվի վարույթից

Վյաչեսլավ Հարությունովի գործով մեղադրանքը պաշտպանող դատախազ Վարդգես Սարգսյանը չի հեռացվի վարույթից։

Վերադառնալով խորհրդակցական սենյակից`նման որոշում կայացրեց նախագահող դատավոր Վարդան Գրիգորյանը` այսպիսով մերժելով պաշտպանական կողմի միջնորդությունը։

Նախորդ դատական նիստին ամբաստանյալ Վյաչեսլավ Հարությունովի պաշտպան Ռոման Սարգսյանը բացարկի միջնորդություն ներկայացրեց մեղադրող դատախազ Վարդգես Սարգսյանին՝ հիմքում դնելով դատախազի կողմնակալությունը եւ պնդելով, որ նա կանխակալ վերաբերմունք ունի իր պաշտպանյալի նկատմամբ։ Միջնորդության դեմ առարկել էր դատախազ Վարդգես Սարգդյանը` այդ որակելով անհիմն։

Այսօրվա դատական նիստին հայտարարվեց դատաքննության մեկնարկի մասին, ապա սահմանվեց ապացույցների հետազոտման կարգը: Դրանից հետո, սակայն, նիստը հետաձգվեց դատավորի վատառողջ լինելու հանգամանքով պայմանավորված:

Հիշեցնենք՝ Հարությունովն այն անձն է, որը հաղորդում էր ներկայացրել 2018 թվականի հուլիսի 2-ին Գագիկ Ծառուկյանին պատկանող «Օլիմպավան» մարզահամալիրում Էդուարդ Բաբայանի կո...