«Հանրապետություն» կուսակցության նախագահ, Հայաստանի նախկին վարչապետ Արամ Սարգսյանը կարծում է, որ Ռուսաստանն ու Թուրքիան չեն հրաժարվելու Մեղրիի միջանցքի ծրագրից: Ըստ նրա` ստեղծված իրավիճակում հարկավոր է ՄԱԿ-ի Անվտանգության խորհուրդ դիմել: «Ազատության» հետ զրույցում Արամ Սարգսյանն անդրադառնում է մայիսի 12-ից ստեղծված իրավիճակին, երբ հայտարարվեց երեք՝ Սև լճի, Սիսիանի և Վարդենիսի ուղղություններով ադրբեջանակյան զինուժի ներխուժման և փաստացի դիրքավորման մասին: Այս հարցով մի քանի օր շարունակ բանակցություններ են ընթանում:
Ստորև ներկայացնում ենք հատվածներ Արամ Սարգսյանի հետ հարցազրույցից.
«Ազատություն» - Կարծո՞ւմ եք` այդ բանակցություններում Բաքուն ինչ-որ պահանջ է դնում Երևանի առջև:
Արամ Սարգսյան - Ակնհայտ է դա, որովհետև Երևանն իր մեկ-երկու հայտարարությունների մեջ ասել է, որ Բաքուն պետք է լքի տարածքներն առանց նախապայմանի, իսկ դա նշանակում է, որ իրենք նախապայմաններ դնում են: Խոսքը վերաբերում է ճանապարհների ապաշրջափակմանը, այսինքն` Ռուսաստան, Թուրքիա, Ադրբեջան ճնշել են Հայաստանի իշխանություններին 9-րդ կետը (տարածաշրջանում բացվում են բոլոր տնտեսական և տրանսպորտային կապերը։ Հայաստանի Հանրապետությունն ապահովում է տրանսպորտային հաղորդակցությունը Ադրբեջանի Հանրապետության արևմտյան շրջանների և Նախիջևանի Ինքնավար Հանրապետության միջև՝ երկու ուղղություններով քաղաքացիների, տրանսպորտային միջոցների և բեռների անարգել երթևեկություն կազմակերպելու նպատակով: Տրանսպորտային հաղորդակցության վերահսկողությունն իրականացնում են Ռուսաստանի ԱԴԾ Սահմանապահ ծառայության մարմինները: Կողմերի համաձայնությամբ կապահովվի Նախիջևանի Ինքնավար Հանրապետությունը Ադրբեջանի արևմտյան շրջանների հետ կապող նոր տրանսպորտային հաղորդակցությունների կառուցումը) մտցնելու, որ որևէ առնչություն չունի Լեռնային Ղարաբաղի խնդրի հետ: Բարեբախտաբար, Հայաստանի իշխանությունները կարողացել են այդ ճնշումների արդյունքում փաստաթղթում գրել ճանապարհների ապաշրջափակում և չգրել միջանցք, և բնականաբար Ադրբեջանն ուզում է ունենալ նույն կարգի միջանցք, որով երթևեկում են միայն հայերը ռուսների ուղեկցությամբ Լաչինում, այնպես, ինչպիսին Լաչինում է, տեղի ունենա Զանգեզուրում:
«Ազատություն» - Այսինքն` ռուսները հսկեն, իրենք գնան, գան:
Արամ Սարգսյան - Այո, իրենք, ավելին, ուզում են, որ Հայաստանը տա տարածք, այդ տարածքով իրենք նոր ճանապարհ սարքեն, որով միայն իրենք կգնան, ու այդ ճանապարհը կվերահսկեն իրենք, այսինքն` միջանցք ասածը Լաչինն է, և փաստաթղթում հստակ նշված է Լաչինը միջանցք, իսկ Նախիջևանն Ադրբեջանին միացնողը միջանցք չէ, դա ճանապարհների ապաշրջափակում է, որը Հայաստանի տարածքով է անցնում:
Հիմա Ալիևն անընդհատ պնդում է, որ դա պետք լինի Զանգեզուրի միջանցք, և ինքն ասում է, որ այդ միջանցքը եթե հայերը չտան, ինքը կփորձի դա անել ուժով` քայլ առ քայլ, 200 մարդով կգան, հետո կհասնեն նրան, որ կրակոց կլինի որևէ ուղղությամբ, որևէ պրովոկացիա, տեղում անհնազանդություններ, ու այդ 200 մարդու հետևից կգան 2 հազարը կամ 15 հազարը, ու խնդիրը կփորձեն այդպես լուծել: Բայց երբ որ տեղի ունեցավ Միացյալ Նահանգների, Ֆրանսիայի, առաջին հերթին Մակրոնի հայտարարությունը, Ադրբեջանը հասկացավ, որ այստեղ կարող են խնդիրներ առաջանալ, և որոշակի առումով հետքայլ դրեց, նաև իրենց Արտգործնախարարության խոսնակը փորձեց հղկել, ասել, որ «մենք հարգում ենք տարածքային ամբողջականությունը Հայաստանի, եկեք միասին ճշտենք», այսինքն` Ադրբեջանը խոսում է, որ կարող է ուժի դիրքերից, նախագահի մակարդակով ասում է, որ ուժով այդ խնդիրը կլուծի, իսկ Արտգործնախարարությունն ասում է, որ եկեք միասին խնդիրները լուծենք, ոչ թե տարածքային ամբողջականության սկզբունքով, և խնդիրն ուղղակի սահմանների ճշտմանն է վերաբերում, այստեղ աղմուկ բարձրացնել պետք չէ:
«Ազատություն» - Այսինքն` հնարավորինս ճնշե՞լ Հայաստանին, մինչև հասնեն այդ միջանցքին:
Արամ Սարգսյան - Ես համոզված եմ, որ 9-րդ կետով այդ միջանցքի խնդիրը կա, և Ռուսաստանն ամեն ինչ անում է, որ պայմանավորվածության 9-րդ կետը, ինչը Թուրքիայի հետ ինքը ձեռք է բերել, իրականություն դառնա:
«Ազատություն» - Ռուսաստանն էլ է դա միջանցք տե...
