Թավշյա հեղափոխության օրերին՝ ապրիլի 22-ին, Էրեբունիում տեղի ունեցած զանգվածային անկարգությունների գործով հետախուզման մեջ գտնվողներից մեկը նոյեմբերի 17-ին ներկայացել է վարույթն իրականացնող մարմնին:
Այս մասին այսօր տեղեկացրել է ՀՀ քննչական կոմիտեն: Մեզ հաջողվեց ճշտել, որ խոսքը Արմենակ Հակոբյանի մասին է. նա Մասիսի մարզադպրոցի տնօրենն է: Վերջինիս մեղադրանք է առաջադրվել ՀՀ քրեական օրենսգրքի 225 հոդվածի 2-րդ մասի հատկանիշներով (Զանգվածային անկարգությունների ժամանակ բռնություն գործադրելը): Քննիչը միջնորդություն է ներկայացրել դատարան՝ նրա նկատմամբ ընտրված խափանման միջոց կալանավորումը վերահաստատելու վերաբերյալ: Դատարանը, սակայն, Հակոբյանի նկատմամբ որպես այլընտրանքային խափանման միջոց գրավի կիրառումը ճանաչել է թույլատրելի: Հակոբյանի պաշտպանը մեր զրույցում հրաժարվեց հարցերին պատասխանել՝ խորոհուրդ տալով հարցերն ուղղել գործը քննող քննիչին:
ՀՀ քննչական կոմիտեն այսօր նաեւ վիճակագրություն է հրապարակել, համաձայն որի՝ այսօրվա դրությամբ՝ քրեական գործով 15 անձ ունի մեղադրյալի դատավարական կարգավիճակ, որոնցից 10-ի նկատմամբ որպես խափանման միջոց է ընտրվել ստորա...
