Այսօր ԱԺ-ում Կառավարության հետ հարցուպատասխանի ժամանակ կառավարող խմբակցության պատգամավոր Արուսյակ Մանավազյանը ՀՀ աշխատանքի և սոցիալական հարցերի նախարար Նարեկ Մկրտչյանից հետաքրքրվեց հաշմանդամության կարգում կատարված փոփոխություններից, որոնց վերաբերյալ դժգոհություններ են հնչում հետևանքով:
Արձագանքելով Մանավազյանի հարցադրմանը՝ Մկրտչյանն ասաց. «Ասեմ, որ այս հարցը վերջին շրջանում ինտենսիվ քննարկվում է հանրային տիրույթում: Հնչում են նաև մանիպուլյատիվ կարծիքներ, թե իբր հաշմանդամության խումբը կրճատվել է ֆինանսական տնտեսումներ անելու համար, որը բացարձակ կապ չունի իրականության հետ: Դա քաղաքական որոշմամբ չի իրականացվում: Գիտեք, որ Միասնական սոցիալական ծառայության կարևոր գործառություներից մեկը բժշկասոցիալական փորձաքննություն է, որտեղ կա բժիշկներից բաղկացած մասնագիտական համայնք, որոնք ուսումնասիրում և սահմանում են հաշմանդամության առաջին, երկրորդ կամ երրորդ խումբ»:
Մկրտչյանի խոսքով՝ բժշկասոցիալական փորձաքննությունն անցնելուց հետո կա սահմանված ժամկետ, որից հետո իրականացվում է վերափորձաքննություն: Արդյունքում, եթե առողջական իրավիճակի մեջ փոփոխություն է տեղի ունենում, հետևաբար փոփոխություն է տեղի ունենում նաև խմբում՝ իր բոլոր հետևանքների հետ միասն:
«Հաշվի առնելով պատերազմի ժամանակ վիրավորված և հաշմանդամություն ձեռք բերած անձանց խումբը, մենք քննարկումներ ենք ունեցել Կառավարությունում, և հի...