Թեև Զոհրաբյանն այսօր պնդելով, թե Սյունիքի մարզում ընտրողներին ուղղորդելու՝ մարզպետի հորդորի մասին իր տեղեկությունները հավաստի են, այդուհանդերձ ասաց, որ իրավապահներին չի դիմելու:
Սյունիքի մարզպետ Հունան Պողոսյանն արձագանքելով Սյունիքի և Վայոց ձորի մարզերում «Բարգավաճ Հայաստան» կուսակցությունից պատգամավորության ռեյտինգային թեկնածու առաջադրված Նաիրա Զոհրաբյանի հայտարարությանը, թե մարզպետն անձամբ է իր կաբինետում ընդունել մարզի գյուղապետերին ու համայնքապետերին և ուղղորդել ձայներ ապահովել «Իմ քայլը» դաշինքի օգտին՝ երդվեց․ - «Ես երդվում եմ գեներալի ուսադիրներով, արդեն անիմաստ ու տխուր ա էս խոսակցությունը: Թող մնա իր խղճի հետ»:
Մարզպետը տարակուսում է, թե ինչու է Նաիրա Զոհրաբյանը, լինելով քաղաքական փորձառու գործիչ, նման բարձրագոչ հայտարարություններ անում:
«Սյունեցուն ուղղորդել չի լինի», - ընդգծում է մարզպետը:
Նաիրա Զոհրաբյանը երեկ «Ազատության» հետ զրույցում ասել էր, թե Հունան Պողոսյանը հավատարմորեն ու անվերապահորեն ծառայել է Ռոբերտ Քոչարյանին, այնուհետև՝ Սերժ Սարգսյանին՝ ամբողջ մարզն ու հատկապես բանակին ուղղորդել ու հրահանգել է քվեարկել «Իմ քայլը» դաշինքի օգտին։
Նախկին փոխոստիկանապետ, այժմ արդեն Սյունիքի մարզպետն արձագանքեց․ - «Ի տարբերություն ոմանց, ով ուզում է, թե իրեն վերագրի, մենք, հատկապես ես ծառայել եմ հայրենիքիս ու ժողովրդիս: Էսօր էլ, իմ համեստ հնարավորությունների սահմաններում շարունակում եմ ծառայել»:
Նաիրա Զոհրաբյանը պնդեց, թե իր տեղեկությունները հստակ են, բայց իրավապահներին չի դիմելու․ - «Հունան Պողոսյանը, մարզպետը հենց իր աշխատասենյակում տարբեր քաղաքապետերի և համայնքապետերի հանդիպել է և հորդորել է ուղղորդել իրենց համայնքների բնակչությանը դեպի «Իմ քայլը»: Դա միանշանակ է»:
Իսկ ոստիկանություն չի դիմելու «շատ պարզ պատճառով»․ - «Որովհետև այն համայնքապետերը, քաղաքապետերը, ովքեր ինձ հետ մասնավոր զրույցում նշել են,...
