Berin Iglesias Art պրոդյուսերական ընկերությունը, որը համաշխարհային արտիստներին ներկայացնում է Եվրոպայում, համագործակցության տարբերակներ է փնտրում Հայաստանում: Ինպես հայտնի է, դրա ղեկավարները՝ Մաքսիմ Բերինը եւ ճանաչված երգիչ Էնրիկե Իգլեսիասի եղբայր Խորխե Իգլեսիասը, մասնաճյուղ են հիմնում Հայաստանում եւ ցանկանում են հայ արտիստներին ներկայացնել միջազգային ասպարեզում, արտասահմանցիներին էլ՝ բերել այստեղ: «Հայկական ժամանակ»-ի հետ զրույցում Խորխե Իգլեսիասը նշեց, որ իրենք պատրաստվում են ուսումնասիրել հայկական դաշտը:
«Հանդիպում ենք ունենալու, որի ժամանակ մեզ ներկայացնելու են արտիստների ցուցակը, որպեսզի հասկանանք, ինչպիսի համագործացություններ են հնարավոր»,- ասաց նա:
Նրանք արդեն առաջին քայլն արել են: Berin Iglesias Art աշխատանքի շնորհիվ նոյեմբերի 6-10 Հայաստանում անցկացվող Silk Note փառատոնին է մասնակցել Գրեմիի մրցանակակիր Jamiroquai խումբը: Նոյեմբերի 6-ին ելույթ է ունեցել Կարեն Դեմիրճյանի անվան մարզահամերգային համալիրում: Սա, ըստ Իգլեսիասի, կարող է լավ սկիզբ լինել:
«Ինչ վերաբերում է արտիստներին, որոնց ցանկանում ենք բերել, ցուցակ ունենք, նրանց հետ խոսում ենք: Այս համեր...
