Նարեկ Բավեյանի եւ Քրիստինա Սարգսյանի ընտանիքն այսօր տոնելու կրկնակի առիթ ունի: Բալետի պարուհին դարձել է 26 տարեկան, իսկ զույգի երկրորդ զավակը՝ 40 օրական: Հոբելյարը BRAVO.am-ի հետ զրույցում նշել է, որ շնորհավորանքներ եւ բարեմաղթանքներ երկու առիթների համար էլ սկսել է ստանալ կեսգիշերից:«Քանի որ փոքրիկիս 40 օրականն այսօր լրացավ, առավոտյան ընտանիքով եկեղեցի գնացինք: Ռոբերտը դեռ շատ փոքր է, հետեւաբար, տարեդարձս մեծ չենք նշելու: Նարեկը կեսգիշերին ծաղիկներով շնորհավորել է եւ խոստացել եւս մեկ անակնկալ այսօրվա համար: Միայն զգուշացրել է, որ պատրաստվենք: Ենթադրում եմ՝ ընտանիքով քաղաքից դուրս կմեկնենք»,- ասել է Քրիստինան եւ հավելել, որ մեծ տղան՝ Մարկը, բացիկով ու ջերմ համբույրով է շնորհավորել: Նման նվերներ նա հաճախ է պատրաստում մայրիկի համար:
Պարուհին նշել է՝ սխալված չի լինի, եթե ասի, որ այս տարեդարձն ամենատպավորիչն ու գեղեցիկն է իր համար: Վայելում է մայրության բերկրանքն ամբողջությամբ....
