ԱՄՆ Օհայո նահանգում կորոնավիրուսի դեմ պատվաստում ստացողի անունն ընդգրկվում է վիճակախաղում, որի հաղթողը կստանա 1 միլիոն դոլար:
Այդպես է նահանգապետ Մայք ԴեՎայնը խրախուսում Օհայոյում պատվաստումների գործընթացը, որի նկատմամբ զգալի թվով բնակիչներ ունեն որոշակի վերապահումներ:
Իսկ հիմա նահանգում ասում են՝ «Պատվաստվիր և ստացիր 1 միլիոն»: Մայք ԴեՎայնը հայտարարել է, որ վիճակախաղը տեղի կունենա շաբաթը մեկ անգամ, գումարը կշահեն շաբաթվա ընթացքում առնվազն մեկ ներարկում ստացած հինգ չափահաս բնակիչներ:
«Գիտեմ, ոմանք ինձ կքննադատեն, կասեն, թե սա փողի վատնում է, իսկ ես կարծում եմ, որ վատնումն այն է, երբ ունենք վակցինա, որը մարդու կյանք է փրկում, բայց ինչ-որ մեկը կվարակվի և կմահանա քովիդից: Այ դա կլինի վատնում, ահավոր ողբերգական վատնում», - ասել է հանրապետական նահանգապետը:
Օհայոն վիճակախաղի շահույթի գումարը կտրամադրի համավարակի դեմ դաշնային բյուջեից նահանգին հատկացված գումարից:
Միացյալ Նահանգներում քաղաքական լիդերները լայնածավալ քարոզարշավ են սկսել և մարդկանց համոզում են պատվաստվել:
Տարբեր քաղաքներում տարբեր «կորոնամրցանակներ» են առաջարկում, օրինակ` Նյու Օռլեանում պատվաստվելու դիմաց տրամադրում են բասկետբոլի խաղ դիտելու տոմս, գարեջուր և խեցգետիններ, Նյու Յորքում՝ տապակած կարտոֆիլ, և այդ առաջարկը գովազդում է անձամբ քաղաքապետ Բիլ դե Բլասիոն:
Մայիսի 13-ի դրությամբ ամբողջությամբ պատվաստվել է մոտ 117 միլիոն ամերիկացի՝ դա ընդհանուր բնակչության ավելի քան մեկ եր...