Ռազմական փորձագետ, պահեստազորի գնդապետ Հայկ Նահապետյանն այսօր՝ հոկտեմբերի 15-ին Հենարան մամուլի ակումբում հայտարարեց, որ Աշխաբադում տեղի ունեցած Ալիեւ-Փաշինյան հայտնի խոսակցությունը մի նպատակ ուներ՝ հերթական անգամ սեպ խրել հայ-ռուսական հարաբերություններում.
« Այն, ինչի մասին խոսեց Ալիեւը, նորություն չէ: Ադրբեջանական մամուլը դեռ անցած տարվա փետրվարից ողողված էր Նժդեհին որպես ֆաշիստ ներկայացնող հոդվածներով, Հանրապետական կուսակցությանը որպես ֆաշիզմի գաղափարախոսություն ունեցող, որը որպես գաղափարական հենք ընտրել է Նժդեհի մտքերը:
Ի դեպ, շատ հետաքրքիր էր, որ Ալիեւը այդ որակու...
