ԱԺ-Կառավարություն հարց ու պատասխանի ժամանակ «Ելք» խմբակցության ղեկավար Նիկոլ Փաշինյանը բարձրաձայնեց ատամաբուժության ոլորտի փոփոխությունների հետ կապված քաղաքացիների դժգոհությունների մասին:
«Իմ ձեռք տակ նամակներ են, որոնց հեղինակները քաղաքացիներ էին, ովքեր պիտի օգտվեին պետպատվերի ծառայությունից, արձանագրում են, որ բուժհաստատությունները հիմա իրենց չեն սպասարկում՝ պատճառաբանելով, որ պետպատվերի պայմանագրերը մինչև հիմա կնքված չեն։ Եւ երկրորդը՝ ատամնաբուժարանները բողոքում են էլեկտրոնային համակարգին միանալու կապակցությամբ, քանի որ տարեկան երկու միլիոն հավելյալ ծախս է լինելու իրենց համար»,- ասաց պատգամավորը։
Փաշինյանը հետաքրքրվեց, թե արդյոք նախարարությունը մտավախություն չունի, որ այս քաղաքական արդյունքում կլինի այն, ինչ եղավ սրտի ստենդավորման դեպքում, երբ շատ քաղաքացիներ սրտի վիրատահությունը սկսեցին կատարել հարևան Վրաստանում։
Առողջապահության նախարար Լևոն Ալթունյանը պատասխանեց, որ 1600 բուժհաստատություն է գրանցված էլեկտրոնային առողջապահության համակարգում, որից 392-ն ատամնաբուժական հիմնարկներն են։
«Ձեզ հարցին պատասխանելով՝ կարող եմ ասել՝ ինչքան էլ վախենալու չթվա երկու միլիոն թիվը, այն չի կարող գերազանցել շրջանառո...
